22/12/20
20/12/20
A porteira Irene, a historia dunha muller pioneira hai un século
Información de Miguel Pardo en Praza Pública
O 20 de decembro cúmprense 113 anos da estrea do himno galego na Habana
Información (20/12/2018) de Marcos Pérez Pena en Praza Pública
Zamarra, barba, pipa, castañas... tamén con Nós Diario chega o Apalpador!
A noite do 24 ou a do 31 de decembro son as que a tradición recolle para a chegada do Apalpador, baixando as montañas do Courel para percorrer os fogares de Galiza. Por iso, ao longo da vinderia semanna, Nós Diario publicará unha serie de relatos e historias de xentes do campo da cultura ou a memoria e que teñen este carboeiro como protagonista.
Máis información en Nós Diario
19/12/20
GZmúsica [8] con Xiao Berlai e Susana Seivane
Xiao Berlai e Susana Seivane enchen de calor e de ritmo este novo programa de GZ Música! Quedamos coas artistas para sabermos máis dos seus novos traballos 'Cas Berlai' e 'Dende o meu balcón'. Non hai frío que entre no corpo dunha GZMusiqueira!
O galego da Xente de a pé
Actualmente só unha cuarta parte dos habitantes de Galicia falan sempre o galego. A que se debe isto? Por que cada vez a mocidade galega fala menos a súa lingua nai? Entrevistamos a Víctor F. Freixanes, Presidente da Real Academia Galega para afondar un pouco máis neste tema.
18/12/20
Cal será a Palabra do Ano 2020?
A Real Academia Galega e a Fundación Barrié abren este martes 1 de decembro o prazo para propoñer palabras aspirantes a se converter na Palabra do Ano 2020. A elección colectiva do termo convócase un ano máis a través do Portal das Palabras, o proxecto impulsado por ambas as entidades para a difusión do léxico galego.
Podes entrar para escoller:
Cap. Carmen Mougán (Camiñante ex-encargada do albergue de Outeiro, Vedra) 【Camiñantes do noso】
Carmen é a protagonista do capítulo 3 de Camiñantes do noso. Ela pertence a ese cento de mulleres que, durante a primeira onda da pandemia, quedou viúva sen poder despedirse do seu marido. Desde Orgullo Galego facémonos unha pregunta: É máis importante salvar un Nadal ou centos de vidas? A reflexión que nos deixa Carmen é a seguinte: “Tan importante é unha festa?”.
Cedeira (Guadi Galego e Banda Artística de Merza)
Colaboración entre Guadi Galego e a Banda Artística de Merza, dirixida por Mateo Gómez Naval.
A música non para neste confinamento motivado polo COVID-19.
Guadi Galego
Banda Artística de Merza
Letra e Música: Guadi Galego
Arranxo: Mateo Gómez Naval.
17/12/20
Broa - Nas Mareas Estreleiras
Tema gravado, mesturado e producido en Cimática Studio por Mahi Ferradás. Voces gravadas e producidas en Pouland Studios por Iago Pico, quen tamén se encargou da masterización do tema. Deseño, montaxe e edición do Vídeo-Lyric a cargo de Miguel Duarte.
16/12/20
Verónica Boquete - Conseguiremos - Novas voces para a lingua
A futbolista Verónica Boquete protagoniza o primeiro capítulo da serie 'Conseguiremos', coa que arrinca o proxecto 'Novas voces para a lingua' da Real Academia Galega e a Facultade de Ciencias da Comunicación da Universidade de Santiago de Compostela para conectar a mocidade co galego. No estadio que leva o seu nome no barrio compostelán de San Lázaro, onde de cativa ía ver xogar á SD Compostela, Verónica Boquete charla co xornalista e atleta Víctor Pérez Currás.
Libro Fisterras Atlánticas | Antonio de Toro Santos
Antonio de Toro, un dos coordinadores e editores do libro "Fisterras Atánticas" fai a presentación virtual desde o barco do poeta e mariñeiro Xosé Iglesias. Este libro editado por Medulia é unha escolma literaria de poemas e textos en galego, castelán e inglés que teñen como nexo o noso bravo Océano Atlántico. 🌊 Noutros vídeos poderedes ver a algún dos outros autores e tradutores recitando fragmentos do mesmo desde o mesmo mar que inspirou as letras das obras literarias.
15/12/20
Estrea da película no instituto: "Qu'est-ce qu'on a encore fait au bon Dieu?" en versión orixinal subtitulada ao galego
O EDLG do IES Monelos en colaboración co departamento de francés realizou durante o curso curso 2019-2020 o subtitulado da película en francés "Qu'est-ce qu'on a encore fait au bon Dieu?".
O último día do curso teremos a súa estrea nas aulas do centro.
Ficha técnica:
|
Título orixinal
Director
Actores principais
País
Xénero
Ano |
Qu'est-ce qu'on a encore fait au bon Dieu?
Philippe de Chauveron
Christian
Clavier, Chantal Lauby, Émilie Caen, Fréderic Chau, Frédérique Bel Francia
Comedia
2019
|
Sinopse:
Claude Verneuil, un notario gaullista, e a súa esposa Marie, son burgueses católicos residentes en Chinon, Francia, e pais de catro fillas: Isabelle, Odile, Ségolene e Laure. As tres primeiras fillas casáronse con descendentes de inmigrantes en Francia e de diferentes orixes étnicas e relixións: Isabelle, avogada, está casada con Rachid Ben Assem, alxerino, musulmán e tamén avogado. Odile, dentista, está casada con David Benichou, un empresario actualmente desempregado e xudeu sefardí. Ségolene, quen é artista plástica, está casada con Chao Ling, un banqueiro chinés e budista.
A Vernuil, Claude e Marie non lles quedou outra senón aceptar que ningún dos catro noivos das súas fillas sexa francés, branco e cristián. Nesta segunda entrega, secuela de 'Deus meu, pero que che fixemos?', a paciencia do matrimonio protagonista ten que volver poñerse a proba cando Claude e Marie decátanse de que as súas catro fillas decidiron abandonar o país no que naceron, Francia, para irse a vivir aos respectivos países das súas parellas David, Rachid, Chao e Charles. A todo este conflito hai que sumar que unha delas está embarazada e a piques de dar a luz. Claude desexa con ansias que o seu neto salga do ventre sendo branco, pero isto non parece moi seguro. Esta segunda parte está dirixida por Philippe de Chauveron. A repartición orixinal da película volve para esta segunda, con Christian Clavier como Claude á cabeza, ao que se une Chantal Lauby no papel da súa muller Marie. Ary Abittan, Medi Sadoun, Frédéric Chau e Noom Diawara volven interpretar ás parellas das súas fillas David, Rachim, Chao e Charles, respectivamente, e Frédérique Bel, Julia Piaton, *Élodie Fontan e *Émilie Caen retoman os seus papeis como Isabelle, Odile, Ségolène e Laure, as fillas do matrimonio que xa desafiaron na primeira e exitosa entrega da película aos seus pais e as súas ideas.
[Encontro virtual] A Irmandiña, unha selección de futuro
Videoconferencia arredor do presente e futuro da Selección Galega moderada por María Sabarís coa participación de Sergio Álvarez, Vero Boquete e Xurxo Souto.
Coro Cantabile. Lampírica do pirilampo- Carlos Negro, Octavio Vázquez
"Lampírica do pirilampo" no concerto de presentación do libro-CD "Palabras de luz" no Teatro Colón da Coruña o 20 de novembro de 2019.
Coro Cantabile Director: Pablo Carballido del Camino Pianista: Maria Keilin
14/12/20
13/12/20
12/12/20
A Casa Cornide: a impunidade dos Franco
A Casa Cornide é un edificio único en Galicia. Agocha un patrimonio material e inmaterial moi valioso: dende á súa arquitectura á pegada da figura de José Cornide, un dos primeiros intelectuais laicos galegos do XVIII. Estes son algúns dos argumentos que Alfredo Vigo Trasancos expón no seu informe para que a Casa Cornide sexa declarada Ben de Interese Cultural.
Agora, queda agardar a resposta da Xunta. Entretanto, a Casa Cornide, que actualmente é propiedade da familia Franco, atópase en venda. A través das fotografías que ofrece a inmobiliaria, pódese albiscar o seu interior. A Casa Cornide chegou á familia do dictador a través de varias e dubidosas operacións administrativas que implicou a diversas institucións durante o réxime franquista.
Ao igual que no caso do Pazo de Meirás, estes singulares edificios representan o espolio e a impunidade dos Franco. Pero tamén a súa fin.
Premio do público youtubeir@s 2020: "Apps para docentes, de Titoriais para profesorado en Galicia"
Premio do Público, votado virtualmente polo público de Youtube, recaeu en ‘Apps para docentes, de Titoriais para profesorado de Galicia’, de Pablo Rodríguez Vila.
Premio pioneiro youtubeir@s 2020: canle "Cousas rarisimASMR"
O Premio Pioneiro recoñece a canle ‘Cousas rarismASMR’, de Helena Antía López. Para o xurado, a canle leva “o noso idioma e, con el, a comunidade Youtube en galego, a terreos moi pouco explorados, pero facéndoo con gran calidade e xeito”.
Premio didáctico youtubeir@s 2020: canle "Naturiza" de Diego Ferraz
O Premio Didáctico recoñece o traballo de ‘Naturiza’, canle de Diego Ferraz que, para o xurado, “achega dun xeito ameno, claro e entretido contido científico relacionado co medio natural”.
Premios youtubeir@s 2020 mellor vídeo musical: FØ Records - LUME (feat. Camel Blando)
O Premio ao mellor vídeo musical é para ‘Lume’, de FØ Records, unha produción moderna cun tema propio que, a ollos do xurado, “actualiza a música galega a ritmo de trap”.
Premios creatividade youtubeir@s 2020: Motivos para ser TERRACHAÍSTA
O Premio Creatividade pon en valor a canle ‘O Son das Ideas’, de Darío Lago. O xurado subliña a capacidade de trasladar a explicación de complexas leis físicas ao ámbito do cotián e aplaude “o emprego de recursos tecnolóxicos de xeito divertido e ameno”. Ademais, por se quedasen prexuízos, esta canle “promove o galego como lingua perfectamente válida para a divulgación científica”.
Premio Comunicación youtubeir@s 2020: ‘Un rapá transquilo’ Linguaxe inclusiva en menos de 10 minutos. Que é? Cúmprenos?
O Premio Comunicación recaeu en ‘Un rapá transquilo’, canle de Éric Dopazo. O xurado destaca a “absoluta solvencia, naturalidade, desdramatización e mesmo tirando do humor” ao relatar en primeira persoa unha realidade tan complexa como é o proceso de tránsito de xénero.
Premios a calidade técnica youtubeir@s 2020: "Os vinte do XX: As Irmandades da Fala"
O Premio á Calidade Técnica é para ‘Os vinte de XX. Capítulo II. As Irmandades da Fala’, vídeo de Antón Varela. O xurado destacou desta proposta que se trata “dunha mostra representativa da serie ‘Os vinte dos XX’, que ofrece unha panorámica galega polos anos vinte do século XX cunha excelente calidade técnica, sobre todo no referido á edición e ao traballo gráfico”.
O Premio Impacto youtubeir@s 2020: "Xogando con Ana Pontón aos Sims"
O Premio Impacto é para o vídeo ‘Xogando con Ana Pontón aos Sims’, do youtubeiro Aquel-e en colaboración con Olaxonmario, no cal entrevistan a canditada do BNG á presidencia da Xunta nas últimas eleccións xerais. Para o xurado, o vídeo representa “unha maneira orixinal e eficaz de achegar a política aos máis novos usando outro tipo de canles e linguaxes diferentes ás tradicionais”.
Premio a calidade lingüística 2020 concurso youtubeir@s
Cativos na Cociña. Capítulo 7º: "As patacas do Paraíso"
Recoñece o vídeo ‘As patacas do Paraíso’, de Cativos na Cociña. O xurado ve nesta proposta “un uso coidado da lingua” e “unha riqueza lingüística que reflicte, especialmente no ámbito fonético e lexical, un rexistro coloquial dentro dunha variante dialectal”, o cal lle dá un “plus de calidade, de frescura e de proximidade” á produción.
Premio ao mello vídeo 2020: "O cabalo de Alberte Merlo"
O cabalo de Alberte Merlo baséase no relato homónimo de Álvaro Cunqueiro e foi realizado como traballo de clase. Tal e como se advirte ao principio, é un proxecto sen máis pretensión que a do entretemento e a de lanzar unha mensaxe de cordialidade para este ano Carvalho Calero. É dicir, nada debe ser tomado máis en serio do que é: a tolemia de tres rapaces estudantes de bacharelato.
Premio youtubeir@ 2020 para "Olaxonmario"
2. O Premio Youtubeir@ é para ‘olaxonmario‘, de quen o xurado destaca o labor que desenvolve en galego no Youtube, sendo de “grande impacto” ao “non pasar desapercibido en canto a novidoso e orixinal”.
Ricionario. Dicionario do cabelo crecho en galego
1- O Premio á Mellor Canle é para a canle ‘pradorua’. O xurado decidiuno así pola súa oferta de “contidos variados, orixinais e de calidade” que proporciona “a ollada dunha muller nova cun enfoque moi actual”.
Carvalho Calero recibe a súa homenaxe nun atípico pleno do Día das Letras Galegas celebrado en decembro
Ricardo Carvalho Calero, na Praza da Quintana © RAG / Moncho Rama
"Ons", nova película de Alfonso Zarauza, chegará ás salas de cine o 18 de decembro
“Non me gustan as películas que se autoconclúen, senón as que me deixan rumiando na cabeza” opina o director
Información de Montse Dopico en Praza Pública
11/12/20
19 poemas para um VÍRUS-19
19 poemas para um VÍRUS-19_ é um livro escrito por Nee Barros Fernández e publicado por Arte Calavera em dezembro de 2020, no meio duma pandemia mundial por COVID-19. Sem classificaçons e com linguagem nom-binária.
Na web 19poemas.gal acharas mais informaçom, uma loja onde mercá-lo.... E se subes uma foto com o livro às redes usando o hashtag "#19PoemasParaUmVÍRUS19", consegues um videopoema e uma dedicatória digital exclusiva. :)
"Fago isto porque sou um queixicas. Porque sou um queixicas e estou farto de viver entre gaiolas e classificaçons. E às vezes, quando me queixo, seica fago algo que chamam poesia. Mas nada, essa também é outra classificaçom."
10/12/20
Como pudemos (Ricardo Carvalho Calero)
Poema de Ricardo Carvalho Calero escrito na conmemoración do día das letras galegas dedicadas a Celso Emilio Ferreiro. O poema está publicado en "Reticências" que recolle a poesía deste autor entre 1986 e 1989.
Celebramos os Vinte!
Este ano que parece que ten pouco que celebrar conmemóranse varios acontecementos en relación a lingua e a cultura galega:
a) O ano de Carvalho Calero.
b) Os vinte anos do Correlingua.
c) O centenario da Xeración Nós.
O alumnado de 4º ESO do IES Monelos sumouse a festa coa pretensión de
que o noso idioma siga a ser unha lingua viva e non unha peza de museo.
A vespoidea de Adrián García: 7 varas
O enxeño galego continúa no Inventario de Vespoideas! Descubrimos 7 varas, a construción de bicicletas de bambú ideada por Adrián García 🐝
Meirás fecha hoxe 82 anos de espolio franquista
Información de A. Barbadillo en Nós Diario
09/12/20
Libro Fisterras Atlánticas | Xurxo Souto
Xurxo Souto, extraordinario animador cultural e autor do texto “A Celeiro de recalada”, incluida na antoloxía Fisterras atlánticas, fala da fraternidade oceánica atlántica de Galicia e Irlanda.
08/12/20
Larpeiros - Fideos con mexillóns
Larpeiros pretende chegar aos afeccionados á cociña e, a través do humor, das curiosidades e dos bocados lixeiros de información, a outros públicos máis amplos.
07/12/20
A Radio Galega incumpre a súa propia normativa con entrevistas en castelán
O programa Galicia por Diante Fin de Semana emitiu unha entrevista na que o xornalista conversa en castelán con Francisco Vázquez, galego e alcalde da Coruña durante 23 anos. Desde Defende a Galega reclaman unha rectificación por parte do director xeral da radio e critican o incumprimento da vocación fundacional da radio pública galega.
06/12/20
A 'constitución' galeguista do 6 de decembro
O 6 de decembro é, segundo o calendario de días festivos vixente en todo o Estado, o Día da Constitución, e nel conmemoráse o referendo da Carta Magna española, celebrado nese día en 1978. Corenta e sete anos antes en Galicia celebrouse outra 'constitución', menos lembrada na actualidade pero de importancia para o país dada a súa influencia, por exemplo, na loita polo Estatuto de Autonomía de 1936, base para o acceso ao réxime autonómico posterior ao franquismo. Esta 'constitución' foi a do Partido Galeguista (PG) que, convocada como "VII Asambreia do nacionalismo" tiña como obxectivo fundamental, segundo deixou escrito Alexandre Bóveda, a "unificación da laboura galeguista en toda Galiza".
Información de David Lombao en Praza Pública (6-12-2012)
Os máis de 75 xeitos de chamarlle á choiva en galego
En Galicia chove. Abondo. De feito, chove tanto e de formas tan diversas que a lingua galega ten unhas 75 palabras para nomear a choiva. Sen embargo, a frecuencia da chuvia non é a única explicación para ter tantos vocábulos, xa que a lingua inglesa carece desta riqueza léxica.
05/12/20
Cap. Rosa Asenjo, "Xita" (Camiñante da Sabedoría). Lugar do Pereiro, A Mezquita 【Camiñantes do noso】
Xita é a protagonista do capítulo 1 de Camiñantes do noso. É unha desas mulleres do rural de edición limitada.
Nacida en plena Guerra Civil, Xita fainos ver que algúns silencios din máis que milleiros de palabras; entre as súas atinadas reflexións destacamos/salientamos esta: “medio mundo anda arrastrado para manter outro medio que vive sentado”.
O Rexurdimento de Avelina Valladares
A néboa envolve a Casa Grande de Vilancosta na parroquia estradense de Berres. O fogar da familia Valladares garda as pegadas da enigmática figura de Avelina Valladares, unha creadora fundamental do Rexurdimento galego da que aínda pouco sabemos.
Quen foi Avelina Valladares? Por que non existe ningunha foto dela? Como rachou coas normas sociais establecidas? Cal era o seu compromiso coa lingua e o pobo galego? Percorremos Vilancosta ata que a néboa marcha da Casa Grande e o sol queda iluminando a historia da poeta da Ulla. Este é o Rexurdimendo de Avelina Valladares.
Unha ducia de imaxes de Nadir Afonso e o seu museo en Chaves no seu centenario
Chaves, xunto a Verín, foi hai agora un século, o 4 de decembro de 1920, o lugar de nacemento de Nadir Afonso, pintor xeométrico de recoñecemento internacional. E Chaves é a sede do Museu de Arte Contemporânea que leva o seu nome. Repasamos unha ducia de imaxes da Fundação e do Museu Nadir Afonso.
Información de David Reinero en Praza Pública
Entrevista a Guadi Galego: "Temos oportunidade de revisar o contrato que asinamos coa vida e o que debemos mudar nel"
Información de Montse Dopico en Praza Pública
04/12/20
Trailer de 'Xan', a webserie de Lucía Estévez e Miguel Canalejo
Serie web gañadora do Premio a Proxecto no Festival Carballo Interplay 2019. Escrita por Miguel Canalejo e dirixida por Lucía Estévez, a serie explora os límites do humor a través de Xan, un personaxe que non fala. Algunha vez quedaches sen palabras? XAN é unha serie web que fala do asombro. Fala de flipar. Fala sobre a conxestión cerebral que provocan os hostións da realidade. XAN é un rapaz que está tan superado polo que o rodea que non é quen de dicir nada. Por iso é máis ca unha personaxe. XAN é un estado mental.
Libro Fisterras Atlánticas | David Clark
David Clark, director do Instituto Universitario de Investigación de Estudos Irlandeses Amergin, da UDC, fala da importancia da figura de Amergin, o primeiro druida, poeta galego-irlandés. Remata a súa intervención resaltando a forza poética e beleza do poema "Scéines Reply to Amergin", do poeta irlandés Paddy Bushe."
03/12/20
Costa da Morte. A ruta dos faros
Vídeo programado polo EDLG do IES Monelos coa colaboración técnica do IES Elviña. Realizado durante o curso 2019-2020 un mes antes do confinamento.
Participan neste traballo o alumnado que cursa actualmente 3º ESO de PEMAR neste curso 2020-2021:
Samuel Fernández Rodríguez
Jesús Miguel Mejía Caño
Ethan Montouto Vázquez
Ana Rivas Serantes
Álvaro Saavedra Uriz
Brian Soliño Rodríguez
A música foi composta polo alumno de 2º de bacharelato:
Daniel Martín Ayguavives
Libro Fisterras Atlánticas | Manolo Rivas
O novelista, ensaista e poeta Manuel Rivas relata o que el nomea “a marca do medo” e “o almeiro” na antoloxía Fisterras atlánticas, e explica como Galicia e Irlanda son paises nómadas, do cantil, e finaliza coa lectura do seu poema “Vento de Traba”.
02/12/20
Libro Fisterras Atlánticas| Miguel Giráldez
José Miguel A. Giráldez, un dos coordinadores de Fisterras Atlánticas (Editorial Medulia), escolma literaria co Océano Atlántico de fondo, explica a estrutura da antoloxía de poetas galegos e Resto irlandeses e remata coa lectura do poema "Resposta de Scéine a Amergin" do irlandés Paddy Bushe.
01/12/20
Camiñantes do noso · Trailer
O día 20 de abril na primeira onda da pandemia o director do proxecto, Rubén Riós con pais de idade avanzada, estaba a ver o telexornal en familia. Nese momento viu nos seus pais unha mirada de total resignación. Foi entón cando pensou en qué podía facer para cambiar a mirada desa xeración que deu tanto por nós. De ahí xorde a idea de crear CAMIÑANTES DO NOSO facendo unha comparativa entre o Camiño da Vida e o Camiño de Santiago a través da mirada dos nosos maiores.
30/11/20
‘Usa a Lingua’: cinco días de música e ideas para estender o galego na mocidade
Este ano, por mor da pandemia, o encontro farase vía Instagram
"No puedo corregir la redacción en gallego": denuncia nas redes da resposta dunha profesora universitaria a un traballo en galego
Outro exemplo do gran proceso que temos de normalización da nosa lingua en Galicia
O chío xerou centos de respostas nas redes sociais.
O Liceo reafírmase como líder coa novena vitoria seguida
A escuadra coruñesa superou ao Noia (1-4)
Paula Dapena, a futbolista pontevedresa que deu as costas a Maradona
"Polas vítimas non se gardou un minuto de silencio. Así que, obviamente, non estou disposta a gardar un minuto de silencio por un abusador e non polas vítimas" comentou.
Lugo evoca a memoria colectiva en torno á Muralla no seu vixésimo aniversario como patrimonio da humanidade
29/11/20
Flow no camarín - Rachando estigmas no rap, o trap e a regueifa
O rap, o trap, a regueifa ou o reguetón son expresións nacidas do pobo; e como case todo o que xorde de abaixo cara a arriba, e non ao revés, foron xéneros estigmatizados.
28/11/20
Camiño de Nós
O Camiño de Nós é a ruta de peregrinación de Ourense a Santiago que fixeron Vicente Risco, Otero Pedrayo e outros membros do Grupo Nós durante o Ano Santo de 1926. Case un século despois, Estíbaliz Veiga sóbese á bicicleta para percorrer este itinerario, que xa empregaban os arrieiros do medievo para transportar o viño do Ribeiro a Compostela.
Durante a súa viaxe, a nosa presentadora terá ocasión de voar un dron sobre o mosteiro de Carboeiro, descubrir os segredos do pazo de Oca e gozar das termas de Outariz. Tamén terá ocasión de achegarse á fervenza do río Barbantiño, coñecer o funcionamento dun muíño artesán de Lalín e facer o ascenso en bicicleta ao Pico Sacro.
Pazo de Oca (concello da Estrada) un dos puntos que atravesa o Camiño de Nós
Margarita Ledo - Cinema, Feminismo e Clase
´Nación', o novo filme de Maragrita Ledo, vén de estrearse e de ser premiado no Festival de Sevilla. A intelectual e cineasta reflexa "a participación na loita política das mulleres" o que converte a 'Nación' "nun filme de clase e no que imos coñecer moitas cuestións que foron esvaendo". A partir desta fío, que abrimos coa obra 'Nación', conversamos con Margarita Ledo sobre a clase traballadora, os feminismos e o cinema.
Subscribirse a:
Publicacións (Atom)