Amosando publicacións coa etiqueta atletismo. Amosar todas as publicacións
Amosando publicacións coa etiqueta atletismo. Amosar todas as publicacións

05/03/23

O deportista viveirense Adrián Ben campión de Europa en 800 metros

 O deportista viveirense Adrián Ben é campión de Europa en 800 metros, fíxose coa medalla de ouro este domingo no campionato europeo en pista cuberta. [Imaxe © Real Federación Española de Atletismo]

Entrevista de María Yáñez en Vinte 19/07/2020

 

07/05/22

VIII Carreira Camiño das Letras - Presentación

 A Consellaría de Cultura, Educación e Universidade, por medio das secretarías xerais de Política Lingüística e de Cultura, en colaboración con Xurdir S.L., organiza a VIII edición da Carreira Camiño das Letras, que busca unir a práctica deportiva coa conmemoración do Día das Letras Galegas e o simbolismo do Camiño de Santiago. 

Os participantes poden escoller entre dúas probas: unha de 15 Km que partirá desde o Pico Sacro, seguindo a Ruta da Prata ata a Cidade da Cultura; e outra de 5 Km, tamén na contorna da Cidade da Cultura. 

 A recadación solidaria dun euro por participante estará destinada á Federación Galega de Dano Cerebral (FEGADACE). Ademais, cada corredor recibirá un libro de agasallo xunto á entrega do dorsal.

20/11/21

O Mundial de Tríatlon 2023, en Pontevedra

 A localidade galega será sede dun campionato que en anos anteriores acolleron cidades como Londres, Budapest, Pequín ou Chicago. 

Información en Nós Diario

Gómez Noya

 

09/07/21

Susana Rodríguez Gacio, médica e atleta paralímpica, portada da revista "Time"

 Susana Rodríguez Gacio, a atleta paralímpica viguesa, é a portada da prestixiosa revista Time pola súa traxectoria deportiva e vital. A publicación norteamericana escolleu a Susana canda outras tres deportistas de sona internacional: Sue Bird, Allison Felix e Naomi Osaka. Na edición dixital da revista inclúese un vídeo en que se destaca a faceta de Susana como médica, que loitou contra o virus ao tempo que se preparaba para os Xogos. 


 

07/05/21

Presentación da VII Carreira Camiño das Letras

 A Consellería de Cultura, Educación e Universidade, por medio das secretarías xerais de Política Lingüística e de Cultura, en colaboración con Xurdir S.L., organiza a VII edición da Carreira Camiño das Letras, que busca unir a práctica deportiva coa conmemoración do Día das Letras Galegas e o simbolismo do Camiño de Santiago.

 A proba, que se celebrará o luns 17 de maio de 2021 no marco da programación institucional das Letras Galegas, constará dunha proba absoluta das categorías máster, sénior, sub23 e sub20 que sairá a partir das 10.00 horas desde as proximidades do Pico Sacro e seguirá un circuíto de 15 km, ao longo da Ruta da Prata ou Camiño do Sueste, ata a Cidade da Cultura.