Amosando publicacións coa etiqueta mar. Amosar todas as publicacións
Amosando publicacións coa etiqueta mar. Amosar todas as publicacións

06/09/23

Adela Lestón Mayo, presidenta da Asociación de mulleres do sector pesqueiro do Seo de Fisterra Ría Muros-Noia: "No mundo do mar hai poucas mulleres e a maioría non chega aos postos de mando"

A Asociación de mulleres do sector pesqueiro do Seo de Fisterra Ría Muros-Noia vén de ser recoñecida co segundo premio á excelencia na innovación na actividade pesqueira dentro dos Premios de Excelencia á Innovación para Mulleres Rurais do Ministerio de Agricultura, Pesca e Alimentación polo proxecto cooperativo da Aula sostible do Freixo, desenvolvido xunto as entidades de inclusión social Misela, Adisbismur e A Creba co apoio do Concello de Outes.

Información Ana G. Liste en Praza Pública

Adela Lestón Mayo, presidenta da Asociación de mulleres do sector pesqueiro do Seo de Fisterra Ría Muros-Noia © cedida
 

30/06/23

Entre quenllas e raias

O proxecto Contee estuda a conetividade espacial e ecolóxica dos elasmobranquios costeiros no Parque Nacional Illas Atlánticas, co obxectivo de avaliar e reforzar a conservación.

17/06/23

Unha ducia de imaxes do vello Samil que agora inicia a súa recuperación

Repasamos as fotografías históricas do proxecto para a primeira fase de restauración das dunas da praia viguesa que ten a exposición pública a Dirección Xeral da Costa, unha actuación que comezará polo norte do areal coa retirada de 450 metros do paseo e a construción dun novo a metade de curto e máis estreito 25 metros terra adentro. O obxectivo final será retranquear dous quilómetros de paseo, ata a desembocadura do río Lagares, pero mantendo a Avenida de Samil mentres non se desenvolva un vial paralelo interior previsto no PXOM da cidade.

Información de David Reinero en Praza Pública


 

04/06/23

Cabanas, Galiza-Praia de Chamoso

No corazón do Golfo Ártabro, no concello de Cabanas, podemos atopar unha das derradeiras fragas marítimas que na actualidade se conservan en toda a Europa Occidental. Este fermoso tramo costeiro vese salpicado por unha serie de calas e pequenas praias entre as que destaca pola súa beleza e a súa bravura a de Chamoso. Exposta aos ventos dominantes do oeste, en inverno a forza do océano penetra no corazón da ría e deixase sentir na súa paisaxe,, modelada na súa constante loita contra o mar. Aínda así o máis característico deste espazo e o pequeno bosque de frondosas que xurde na mesma beira. Unha reliquia doutros tempos absolutamente desprotexida e profundamente ameazada polo urbanismo salvaxe e descontrolado. Gravouse o vídeo para divulgar, educar e contribuír á súa protección. Esperamos que sirva de algo.