Información de Jorge Guitián en Praza Pública
A Asociación de mulleres do sector pesqueiro do Seo de Fisterra Ría Muros-Noia vén de ser recoñecida co segundo premio á excelencia na innovación na actividade pesqueira dentro dos Premios de Excelencia á Innovación para Mulleres Rurais do Ministerio de Agricultura, Pesca e Alimentación polo proxecto cooperativo da Aula sostible do Freixo, desenvolvido xunto as entidades de inclusión social Misela, Adisbismur e A Creba co apoio do Concello de Outes.
Información Ana G. Liste en Praza Pública
A da enerxía eólica é unha industria que se vende como solución ante a problemática do Cambio Climático. Non obstante, o impacto da súa implantación masiva en Galicia está a supoñer un grave problema sociodemográfico, económico e, paradoxalmente, ambiental.
Carla Subirana vén de estrear nas salas de cine Sica, o filme rodado na Costa da Morte en galego e catalá que presentou na Berlinale e co que participou no Festival de Málaga. Sica é unha longametraxe de ficción creada cunha metodoloxía documental e que conta na maioría do seu reparto con actrices e actores novos e non profesionais. Thais García, unha rapaza de 15 anos Cabana de Bergantiños seleccionada nunhas probas por institutos da zona, interpreta a Sica, a protagonista do filme, que busca respostas no mar tras o naufraxio do barco no que navegaba o seu pai.
Información de Ana G. Liste en Praza Pública
Información de Marcos Pérez Pena en Praza Pública
Imaxe nocturna de Punta Nariga (o ceo da Costa da Morte)
Rosario, Julia e Dolores levan toda a vida formando parte do tecido asociativo que se foi xerando na aldea do Couto desde os anos oitenta. "Entre os veciños e veciñas compramos o terreo e construímos a casa; cada quen facía o que podía". Así naceu a Casa dos Veciños, lugar de reunión da Asociación Cultural Monte Branco.
Para conseguir os cartos botaron man de inxenio: "Colliamos o tractor e iamos polas festas porque era onde se facían os cartos. Vendiamos bebidas e bocadillos de bisté". Desde aquela, a Escola de Verán, o Festiletras e centos actividades máis. Por alí pasaron desde Isaac Díaz Pardo a Sés, desde Fina Casalderrey a Xabier Díaz, facendo da aldea testemuña privilexiada dos cambios xeracionais na cultura galega. "Xamais pensei aprender tanto, nin tratar coa xente que tratei", explica emocionada Rosario, fan declarada de Ángel Carracedo.
Julia, Dolores e Rosario falan do despoboamento do rural, sabedoras de que "o que non hai é traballo". Con todo, Julia pensa que "se houbera máis iniciativas como esta, a xente non marcharía tanto". Recordan tamén como a asociación se manifestou contra a celulosa que ían achantar na desembocadura do Anllóns: "Se houbera celulosa non habería agrupación de mariscadoras, nin este ambiente, nin teriamos estas vistas que temos."