Amosando publicacións coa etiqueta Europa. Amosar todas as publicacións
Amosando publicacións coa etiqueta Europa. Amosar todas as publicacións

22/03/24

Monelos no Ar. Programa nº 4 en directo

Programa coordinado polas profesoras Mónica Alonso e Elena Conde.

Na técnica Alejandro Lorenzo (1º Bac)

Na condución Raúl Orosa e Eva Paz (2º ESO)

O sumario estivo centrado en dous aspectos:

1º As Olimpiadas europeas

2º Entrevista ao profesor de lingua e literatura castelá do noso centro Antonio Frade Fraga.

Emitido e gravado (22 de marzo de 2024)

 

01/02/24

Radio Monelos: emisión do 2º programa de "Monelos no ar"

Emisión do segundo programa en directo de "Monelos no ar" realizado este mércores 30 de xaneiro. 

O programa estivo centrado sobre preguntas e respostas sobre a institucións da UE, dentro do proxecto de Escolas Embaixadoras do Parlamento Europeo, e unha entrevista ao alumno de 2º de Bacharelato Xoel Saavedra importante promesa do voleibol español. 

Coordinaron o programa as profesoras Mónica Alonso e Elena Conde. Na presentación estiveron as alumnas de 2º ESO Lara Beade e Inés Insua. Entrevistou Noelia Saavedra, de 3º de ESO, ao seu irmán Xoel.


20/12/23

Monelos no ar (programa nº 1)

 Programa realizado en directo no 2º recreo o mércores 20 de decembro dentro do proxecto de Escolas Embaixadoras do Parlamento Europeo. Nesta emisión centrámonos sobre a celebración do Nadal en distintos países da Unión Europea. Tamén presentamos algunhas recomendacións literarias por vari@s alumn@s da ESO para estas vacacións.

Coordinan a actividade as profesoras Mónica Alonso e Elena Conde.

Presentan as alumnas de 3º de ESO Catalina Bago e Sabela García.

Control de son por parte de Alejandro Lorenzo de 1º de Bacharelato.


 

19/09/23

A Mesa pide ao Consello da UE que vote a favor da oficialidade do galego na Unión Europea

A vicepresidenta da Mesa pola Normalización Lingüística, Elsa Quintas, participou no Parlamento Europeo nunha rolda de prensa na que a Rede Europea de Igualdade Lingüística (ELEN) pediu aos Estados membros da Unión Europea que voten a favor do recoñecemento pleno da oficialidade do galego, o catalán e o éuscaro na Unión Europea.

España prioriza a oficialidade do catalán sobre o galego ante as reticencias da UE a recoñecer "tres linguas de vez"

 Información de Miguel Pardo en Praza Pública

O ministro Albares, durante o Consello de Asuntos Xerais da UE © UE

05/09/23

Galego, euskera e catalán tornarán en idiomas oficiais da Unión Europea o vindeiro 19 de setembro

A proposta do Goberno español foi incluída na orde do día da vindeira reunión dun órgano, o Consello da UE, que non tombou ningunha das 1.128 votacións da última década. 

Reunión do Consello da UE en Bruxelas. (Foto: Nós Diario)

17/08/23

O Goberno español notifica á UE que quere que o galego sexa lingua oficial nas institucións comunitarias

Na actualidade, a Unión Europea conta con 24 linguas oficiais, entre as que se encontra o gaélico, que é a única lingua oficial que non é maioritaria no seu Estado. Estímase que o número de falantes de gaélico en Irlanda supera o medio millón de persoas (Irlanda ten máis de 5 millóns de habitantes). 

Información en Nós Diario


 

13/01/22

Asamblea Xeral da Rede Europea pola Igualdade das Linguas

 Os días 12 e 13 de novembro de 2021, Santiago de Compostelá acolleu a Asemblea Xeral da Rede Europea pola Igualdade das Linguas (ELEN). Este organismo ten como obxectivo a promoción e protección das linguas europeas menos utilizadas e convertirse nunha voz en común para os falantes de linguas a nivel local, rexional, nacional, europeo e internacional. 

35 delegadas e delegados, representantes de 47 linguas de 24 estados europeos, reclamaron do goberno galego e español que se atendan as esixencias do Consello de Europa e se derrogue o Decreto de Plurilingüismo para garantir que o galego sexa lingua vehicular en todas as etapas educativas e que exista un tratamento igualitario para as linguas cooficiciais na nova Lei do Audiovisual. 

O Salón Nobre do Pazo de Fonseca acolleu o acto de apertura e recepción das delegadas e delegados cun acto no que participaron diversos representantes institucionais e do mundo académico.