O IES de Monelos na Biblioteca do Castrillón

O pasado martes 13 de maio celebramos as Letras na Biblioteca do Castrillón nun acto conxunto no que participaron os centros educativos públicos do barrio: o IES "Monte das Moas", o IES Monelos, o CEIP Fernández Latorre acompañados de usuarios do Centro de día de Eirís. O acto contou coa presenza da escritora Paula Carballeira que desenvolveu un contacontos centrado na súa obra literaria. O acto rematou coa participación de catro alumnas do noso centro: Carolina Barbeito (2º ESO), Noa Vázquez (3º ESO), Paula Queijas e Carmela Rivas de 1º de bacherelato, compoñentes por outro lado da agrupación cultural "Donaire", que amenizaron o acto tocando a pandeireta. O acto estivo organizado pola biblioteca escolar e o EDLG do noso centro.

Día de Rosalía no IES Monelos

 Actividade realizada pola Biblioteca escolar e o EDLG (23/02/2025)

Celebración do Día da Paz. Organizado pola Biblioteca Escolar do IES Monelos

Coa participación de Pablo Díaz e Olga Kirk membros do Grupo Donaire 

Alejandro Lorenzo Naya gaña o concurso de Relatos tormentosos

Convocado pola Biblioteca, Meteoescola e EDLG do IES Monelos. Entrega o premio a profesora de Bioloxía Sonia Bermúdez.

 

Unha Galicia que le: 850 mil persoas inscritas nas bibliotecas públicas, que seguen sen aumentar o seu persoal

 Información de Marcos Pérez Pena en Praza Pública

Deforestación (relato de Manuel Núñez Singala)

Relato recollido no libro Instrucións para tomar café de Manuel Núñez Singala.

Lectura realizada para Radio Monelos pol@ alumn@s de 3º ESO A Raúl Orosa e Noa Vázquez.

Unha ducia de libros para a 'rentrée literaria'

O outono chegou con tanta forza que non foi necesario consultar o calendario, faltou con mirar pola fiestra. Volveu a choiva e con ela anticipamos eses momentos de lectura a cuberto tan idílicos destas datas. A ‘rentrée literaria’ tamén vén con forza e as autoras galegas volven ser recoñecidas. Celebramos os recentes galardóns do Ministerio de Cultura, o Premio Nacional de Poesía para Chus Pato por Sonora e o Premio Nacional de Cómic para Bea Lema por El Cuerpo de Cristo. En Praza vimos de entrevistar a Manuel Rivas pola súa nova novela, Tras do ceo, e abordamos con Nee Barros o fenómeno internacional Heartstopper, que está a piques de presentar o seu segundo volume en galego. Alberto Ramos volveu gañar o Premio Narrativa Breve Repsol, esta vez con Pirotecnia, e coñecemos a decisión da editorial Kalandraka de desvincularse do Premio Orihuela de poesía para crianzas pola negativa de PP e Vox a apoiar unha declaración institucional neste concello que pedía a anulación do xuízo que condenou a morte o poeta Miguel Hernández. As novidades editoriais non deixan de chegar ás librarías e bibliotecas e aquí seleccionamos unha ducia delas para ir pensando nas próximas lecturas.

 Información de Ana G. Liste en Praza Pública

Cada euro investido nas bibliotecas regresa á sociedade multiplicado por catro

 Información en Praza Pública

Biblioteca municipal dos Rosais (A Coruña)

A experiencia das Biblios coruñesas viaxa a Senegal

 Información de Ubaldo Cerqueiro en Xornal da Coruña

A "Expedición biblioteca" estivo formada por Noelia, Cristina, Guillermo e Enrique

Poemas ilustrados Luísa Villalta. IES Monelos

Estudantes de 4° do Instituto Monelos non só leron os poemas de Luisa Villalta, senón que ademais, animáronse a facer ilustracións dalgúns deles. Son espectaculares.A literatura convertida en Arte.

 

Mulleres nas Letras Galegas

 Programa elaborado polas alumnas de 3º de ESO Catalina Bago e Sabela García.

Concurso Cartas de Amor organizado pola biblioteca do Castrillón

O 18 de abril o alumnado de 4 PMAR foi á biblioteca do Castrillón para a entrega de premios do concurso literario ‘Cartas de amor’. O agasallo consistiu nun lote de libros e material escolar. Recibiron premio os traballos presentados por:

Goodluck Omedle ( 4ESO C)

Anakarina de Toma

Ainara Franqueira

Inés Candamio

Parabéns!

 

Luísa Villalta para o público infantil e xuvenil desde o compromiso, a estética, o estímulo e a coherencia

 Información de Ana G. Liste en Praza Pública

Capas de tres libros arredor da vida e a obra de Luísa Villalta editados por Xerais e Cumio pensando no lectorado máis novo CC-BY-SA Xerais/Cumio Montaxe: Praza.gal

Visita das bibliotecarias do Castrillón ao alumnado de 1º ESO

A Biblioteca do noso centro e o EDLG organizamos en colaboración coa Biblioteca do Castrillón unha actividade que se desenvolve en dous tempos. O venres pasado día 15 de marzo volveron visitarnos Alicia e Luísa, as nosas xa coñecidas bibliotecarias da Biblioteca do Castrillón. Desta volta, Alicia e Luísa realizaron unha serie de actividades co alumnado de 1º ESO A e 1º ESO B.Partindo dunha presentación explicáronlles aos pequenos quen é a autora homenaxeada este ano o día das Letras Galegas; logo disto, e co material preparado tamén por elas, o alumnado elaborou as súas propias creacións que leron na aula e que se expoñerán cara ao día das Letras na biblioteca. Unha actividade coa que disfrutaron moito foi coa elaboración d’O cadáver exquisito.

Ademais da presentación, Alicia e Luísa convidaron os pequenos e pequenas a visitar a biblioteca do Castrillón o día 20 de marzo xa que María Canosa realizaba unha presentación sobre Luisa Villalta e o libro q se lle dedica á homenaxeada e co que traballamos na aula: Luísa Villalta. Melodía de palabras. 

E ali estivemos o dia 20. A visita á Biblioteca do Castrillon foi moi entretida. María Canosa falounos do proceso de creación das biografías sobre mulleres e, ademais da de Luisa Villalta, falounos da de Emilia Pardo Bazán e da de Maruxa Mallo. Unha actividade diferente!

Radio Monelos: as cigarreiras e a lectura

 Programa elaborado polas alumnas de 2º ESO Inés Insua e Eva Paz

 

30 de xaneiro: celebramos o día da Paz e da Non Violencia

O alumnado de 1º de ESO participou nun concurso de carteis coordinado pola profesora de Xeografía e Historia Rosa Gómez.

 

O Equipo da Biblioteca e o EDLG organizaron un recital poético coordinado pola profesora de galego Luísa Corredoira.

Entrevista a Marta Souto Naveira gañadora Ex aequo do II Concurso de Relatos de Terror do IES Monelos

 As alumnas de 2º de ESO Lara Beade Hermida e Noa Vázquez Fuentes entrevistan a Marta Souto Naveira (3º ESO A) gañadora Ex aequo do II Concurso de Relatos de Terror organizado pola Biblioteca e o EDLG.

Voluntariado nas Bibliotecas Municipais da Coruña

 

Radio Monelos: entrevista a Inés Insua Puente (2º ESO) unha das gañadoras do II Concurso de Relatos de Terror

Lara Beade Hermida e Noa Vázquez Fuentes (alumnas de 2º ESO) entrevistan a súa compañeira Inés Insua Puente como unha das gañadoras dos II concurso de relatos de terror organizado pola Biblioteca e o EDLG. O relato titúlase "A pantasma do lago".

25 de Novembro: Contra a violencia de xénero

 Presentación elaborado polo Equipo da Biblioteca do IES Monelos