Amosando publicacións coa etiqueta xustiza. Amosar todas as publicacións
Amosando publicacións coa etiqueta xustiza. Amosar todas as publicacións

13/05/22

A CONSTANCIA NA GALEGUIZACIÓN XURÍDICA

 Coa presenza dunha ampla representación institucional e profesionais da avogacía, celebrouse no edificio da Audiencia Provincial de Ourense no mes de abril de 2022 un acto de homenaxe ao maxistrado D. Xoán Manuel Alfaya Ocampo e ao letrado D. Miguel A. González Trigás, ámbolos dous causantes da primeira sentenza ditada en lingua galega no Xulgado de Primeira Instancia núm. 2 de Ourense en marzo de 1988. 

O avogado membro da Irmandade Xurídica e Vicedecano da Facultade Ciencias Xurídicas e do Traballo da UdeVigo, D. Xosé Manuel Pacho Blanco e a avogada ourensá Dna. Yolanda Ramos Capelo, tamén da IXUGA, con cadansúa intervención centradas na necesidade de recoñecer a existencia dunha tradición xurídica galega que tivo querencia pola galeguidade, apelaron ao sentido da responsabilidade dos operadores xurídicos instándoos á utilización da lingua galega perante os órganos xurisdicionais. D. Antonio Piña Alonso, Presidente da Audiencia Provincial de Ourense, apuntou na súa intervención a importancia de exercer a profesión tendo en conta a realidade cultural de Galicia “porque o Dereito no territorio onde se exerce ten peculiaridades de seu que a lingua galega vehiculiza con maior precisión”. 

Tanto o maxistrado D. Xoán Alfaya Ocampo como o letrado D. Miguel A. González Trigás agradeceron á Irmandade Xurídica Galega a homenaxe que lles tributou facendo referencias aos seus respectivos exercicios profesionais no idioma galego porque é unha maneira de prestixiar a lingua cara á sociedade. O Secretario Xeral de Política Lingüística, D. Valentín García Gómez, suliñou que actos de galeguización xudicial como éstes que leva a cabo a Irmandade Xurídica Galega son imprescindibles no calendario da normalización lingüística nun ámbito institucional que presta servizos á cidadanía, pois o galeguismo xurídico debe estar presente como unha actividade normal nos procedementos procesuais. Unha placa de bronce conmemorativa quedou para sempre colocada na entrada do edificio da Audiencia Provincial en homenaxe tamén a todos os operadores xurídicos que fan posible a galeguización xurídica.

15/02/22

Parladoiro entre o Fiscal da Fiscalía Superior de Galicia, Carlos Varela e Consuelo Castro

 Carlos Varela e Consuelo Castro manteñen unha parola arredor da lingua galega e da súa normalización nos estamentos xudiciais e a xurisprudencia do Tribunal Supremo e do Tribunal Constitucional respecto dos dereitos lingüísticos. A súa visión é fundamental para entendermos as posibilidades e eivas que ten o noso idioma para o seu uso nas instancias xudiciais e órganos do Estado. 

 


30/09/21

A xustiza avala prohibir a protesta da CIG na Toxa porque "con toda certeza" causaría "un perigo"

 Información Galicia Confidencial

O presidente do Goberno, Pedro Sánchez (c), á súa saída tras o acto de clausura do II Foro La Toja-Vínculo Atlántico celebrado na Illa de Toja, Pontevedra, Galicia, (España), a 3 de setembro de 2020.. Beatriz Ciscar - Europa Press

29/12/20

Sobresida a causa contra o "Apóstolo" por ofender os sentimentos relixiosos

 Avogados Cristiáns denunciara o pregón do Entroido coruñés de 2018

Información en Nós Diario

Imaxe de arquivo de Carlos Santiago interpretando o seu personaxe do Apóstolo durante un dos seus monólogos. (Foto: Nós Diario)