Información de Vanesa Vázquez en Praza Pública
Amosando publicacións coa etiqueta arquitectura. Amosar todas as publicacións
Amosando publicacións coa etiqueta arquitectura. Amosar todas as publicacións
27/10/24
César Portela arquitecto: "As obras que máis quero son aquelas que me formularon máis problemas e fun quen de superar"
23/01/24
23/12/23
Unha ducia de edificios desaparecidos en Galicia analizados no libro 'Arquitecturas añoradas'
Hai uns meses a editorial Trea publicou o completísimo volme Arquitecturas añoradas, unha memoria gráfica do patrimonio destruído en Galicia ao longo do século XX, coordinado por Jesús Ángel Sánchez García, Julio Vázquez Castro e Alfredo Vigo Trasancos e con achega dunha vintena de autores e autoras. A obra afonda na historia, relevancia e desaparición de máis de medio cento de significativos edificios que foron derrubados nas cidades e vilas galegas entre 1936 e 2002, en ocasións de maneira accidental, pero as máis das veces de forma intencionada "amparados en excusas economicistas e de pretendido progresismo". As análises acompáñanse de imaxes históricas e de recreacións en 3D realizadas polo Centro Infográfico Avanzado de Galicia, cuxos traballos repasamos nestoutra ducia.
16/12/23
16/06/23
22/05/23
Proxecto Terra: Ferrol-Fragas do Eume (18-19 de maio)
Actividade na que participou o alumnado de 4º ESO do IES Monelos
Museo de Construción Naval de Ferrol
Arquitectura e urbanismo no barrio da Madalena e Ferrol Vello
Navegando pola ría de Ferrol
Visitamos o Castelo de San Felipe
Hospedámonos en "Alvarella"
No Museo Etnográfico da Capela
Andaina polas Fragas do Eume
06/04/23
28/01/23
Teresa Táboas: “Para ser verdadeiramente nacionalista, hai que ser profundamente universal”
Desde moi nova Teresa Táboas é consciente da importancia do territorio na conformación da identidade galega. Filla de emigrantes galegos, nace na cidade de México, aínda que a familia mantén un contacto constante con Galiza.
Fórmase a cabalo entre dúas realidades moi distintas, mais sempre cun apego moi forte á terra na que se acabou por desenvolver profesionalmente. De firmes conviccións nacionalistas, Táboas foi, desde agosto de 2005 até abril de 2009, Conselleira de Vivenda e Solo da Xunta de Galiza durante o goberno de coalición do PSdeG co BNG.
Foi a primeira muller en acceder ao cargo de Decana-Presidenta do Colexio Oficial de Arquitectos de Galicia e a segunda muller Conselleira Titular do Consello Superior dos Consellos de Arquitectos de España desde 1931.
En xullo de 2021 é electa membro do Consello da Unión Internacional de Arquitectos.
Nós Televisión reúnese con ela na Biblioteca do Museo do Pobo Galego para falar de nacionalismo, xestión institucional, a importancia de seguir rachando o teito de cristal e os desafíos territoriais aos que se enfronta o noso país.
09/10/22
Centenario do nacemento do arquitecto Xosé Bar Boo
Xosé Bar Boo (Vigo, 22 de setembro de 1922 - Santiago de Compostela, 21 de febreiro de 1994) foi un arquitecto activo en Galicia principalmente en Vigo e a súa contorna aínda que na Coruña temos un exemplo moi destacado da súa plástica como é o edificio dos Xulgados.
Con Bar Boo recupérase a cultura arquitectónica que se perdera coa Guerra Civil. Os anos 40 e 50 do século pasado foran décadas escuras para España, illada das novas correntes arquitectónicas e urbanísticas que promove o Movemento Moderno. Xunto con Fernández-Albalat introduciron esta tendencia na arquitectura galega.
Trátase, segundo o arquitecto Xosé Manuel Casabella, aínda que pareza paradoxo dun arquitecto recoñecido e marxinado á vez porque foi un home moi esixente coa calidade do traballo e fixo que perdese traballos importantes que foron para outros colegas contemporáneos. Sempre se mantivo fiel aos seus principios éticos, foi rebelde liberando as súas ideas co seu traballo sen someterse á servidume que a profesión impoñía.
Foi un dos impulsores do Colexio Oficial de Arquitectos de Galicia no que máis tarde exerceu de decano en 1976 ano da súa creación. Foi vicepresidente do Consello Superior dos Colexios de Arquitectos de España e profesor titular da Escola Técnica Superior de Arquitectura da Coruña.
Estudou na Escola Superior de Arquitectura de Madrid, graduándose en 1957 e doutorándose en 1960. A pesar do relativo illamento xeográfico da súa actividade profesional, circunscrita á contorna da ría de Vigo, a obra de Bar Boo deixou un forte pegada nos arquitectos galegos da vindeira xeración. A súa obra, moi persoal e afastada dos circuítos de produción en masa, supón unha reflexión constante sobre a arquitectura e o seu entorno. Atentos á funcionalidade, ao terreo, á orientación, ás vistas (propias e alleas), ao clima e á racionalidade do proceso construtivo, o seu deseño libre e rico en detalles xera unha espacialidade sempre sorprendente.
A súa primeira obra, que actualmente alberga as oficinas do COAG en Vigo, é sen dúbida a máis perfecta do Movemento Moderno en Vigo, mantendo a súa vixencia e frescura durante corenta anos.
Deseñou construcións como as Torres da illa de Toralla ou o policlínico Cíes, edificios que marcaron a estética da cidade viguesa. Porén, poucos saben que este arquitecto foi o fundador da Asociación para a Defensa Ecolóxica de Galicia (Adega), membro fundador do Museo do Pobo Galego ou membro do Seminario de Estudos Galegos. A súa obra, fundamentalmente racionalista, estivo condicionada pola funcionalidade, pero tamén pola harmonía co medio.
Cinco arquitectos, César Portela, Gallego Jorreto, Xosé Manuel Casabella, Elena Ampudia e Jaime Blanco, falaron o pasado 26 de setembro na sede da Real Academia Galega de Belas Artes na Coruña da ética que guiou os seus traballos. O acto xurdiu como homenaxe a Bar Boo no centenario do seu nacemento. Precisamente na súa obra máis polémica, a Torre de Toralla, non puido levar a cabo o seu proxecto e acabou por romper cos promotores ao non estar satisfeito co resultado final. Segundo os seus estudosos, a igrexa parroquial de Nosa Señora das Neves (1962/1971), en Teis, captou alí os trazados xeométricos inspirados en combinacións triangulares proporcionalmente vinculadas. O círculo marcado en 1967, o deseño do policlínico Cíes, hoxe desocupado á espera dunha nova función. No ano 2006 engadiuse á súa planta esférica un anexo que rompe a concepción inicial. En distintos puntos da cidade hai edificios coa súa firma como edificios comunitarios como Plastibar (1957), en Marqués de Valladares; as casas da Praza de Compostela (1963), as de San Xosé Obreiro no barrio de Coia (1969) ou as da rúa García Olloqui (1972). En vivendas unifamiliares destaca a casa de Gerardo Martín, en Doutor Corbal, 65 (Teis). Realizada en formigón, destaca a súa fachada principal, concibida como unha escaleira invertida. Está inscrita no inventario da Xunta como Ben de Interese Patrimonial. A súa traxectoria tamén o levou a crear espazos de traballo como as oficinas de Vitrasa (1974) e o complexo Aurelio Pérez (1982). Aínda que a maioría das súas obras están situadas en Vigo, tamén asinou os mercados de alimentación de Gondomar e Porriño, os xulgados da Coruña ou a coñecida como Casa Ferro, realizada en Ponteareas entre 1962 e 1977. En case toda a súa obra residencial imperan certas influenzas orgánico-funicionais wrightianas como podemos observar no edificio dos xulgados da nosa cidade onde incorpora a un edificio de trazo funcional materiais do país como o granito rosado de Porriño.
Arriba: Edificio Plastibar (Vigo-1957). Actual sede do COAG na cidade
Edificio na Praza Compostela de Vigo (1963)
.jpg)
Praza de abastos do Porriño (1970)
Edificio de vivendas Vicente Suárez en Vigo (1972)
Edificio de Vitrasa en Vigo (1974)
Casa Ferro en Ponteareas (1977)
Casa Gerardo Martín en Teis-Vigo
Fachada e interior dos Xulgados da Coruña (1991)
07/10/22
12/06/22
O arquitecto do futuro hospital da Coruña: «Nin a Cidade da Cultura chega ao que será o Novo Chuac»
Información de R. D. Seoane en La Voz de Galicia
26/05/22
Proxecto Terra: Ferrol-Fragas do Eume
Actividade realizada polo alumnado de 4º de ESO do IES Monelos (23 e 24 de maio de 2022)
Visita ao Museo da Construción Naval
Urbanismo e arquitectura en Ferrol
Paseo pola ría de Ferrol
Visita ao castelo de San Felipe
Albergue de Alvarella
Museo etnográfico da Capela
Andaina polas Fragas do Eume
23/01/22
Seis elementos arquitectónicos galegos entraron en 2021 na Lista Vermella do Patrimonio, por risco de destrución
Información de Patricia Hermida en La Opinión de A Coruña
01/01/22
A derriba da casa Carnicero, en Perillo (Oleiros), cumpre un ano con poucos avances a nivel xudicial
Información de D. Vázquez en La Voz de Galicia
Foi un gran edificio modernista situado ao lado da ponte da Pasaxe en Perillo (Oleiros) proxectado polo arquitecto González del Villar en 1916. Incendiouse no verán de 2020.
Imaxes do interior
Incendio o 16 de xullo de 2020
Estado despois do incendio
Só se conserva a palmeira e os cascallos da edificación (fotografía de finais de decembro de 2021)
18/12/21
Unha ducia de imaxes da obra de Antonio Palacios
O Museo do Mar de Galicia acolle en Vigo ata o 31 de xaneiro de 2022 a exposición ‘Antonio Palacios. Soños de modernidade, compromiso con Galicia’. Repasamos unha ducia de imaxes da mostra en homenaxe ao arquitecto que deixou a súa pegada en numerosas vilas galegas e en Madrid. [Imaxes: Xunta de Galicia, catálogo da mostra].
Subscribirse a:
Publicacións (Atom)