O grupo de investigación ORCHID estuda as capacidades de certas substancias presentes na natureza co obxectivo de detectar dianas terapéuticas e recrealas no seu laboratorio
Información de Lucía Casas en GCiencia
Amosando publicacións coa etiqueta química. Amosar todas as publicacións
Amosando publicacións coa etiqueta química. Amosar todas as publicacións
26/04/25
5ª EDICIÓN DO CONCURSO “GALEGO CON CIENCIA” ORGANIZADO POLO EDLG DO IES MONELOS
BASES E OBXECTIVOS
1. Poderá participar todo o alumnado matriculado no IES Monelos no curso 2024-2025.
2. O obxectivo do concurso é fomentar o emprego da lingua galega naquelas materias nas que o galego non é a lingua vehicular na ESO (bioloxía, física e química, matemáticas, tecnoloxía, informática). Tamén preténdese que alumnado acade unha mellora no seu rendemento académico.
3. O concurso durará 3 semanas. Empezará na semana do 28 de abril de 2025 e rematará na semana do 12 ao 16 de maio (coincidindo coa semana das Letras Galegas).
4. O concurso terá tres niveis:
• 1º e 2º de ESO.
• 3º e 4º de ESO.
• Bacharelato.
5. Tódalas semanas en que haxa concurso, o Equipo de Dinamización da Lingua Galega, fará públicas dez preguntas, por cada unha das modalidades, relacionadas coas materias citadas na base segunda desta convocatoria. Estas deberán ser contestadas polo alumnado participante, antes das 14 horas do venres correspondente.
6. O concurso será eliminatorio, organizado da seguinte maneira:
• Durante a primeira semana (28 de abril ao 2 de maio) poderán continuar participando o alumnado que acerte polo menos sete das dez cuestións formuladas.
• Na segunda semana (5 ao 9 de maio) poderán continuar participando o alumnado que acerte polo menos oito das dez cuestións formuladas.
• Na derradeira semana (12 ao 16 de maio) poderán ser gañadores unicamente os que acerten todas as cuestión formuladas.
7. O cuestionario será publicado na web do instituto e no blog do equipo de dinamización www.cotarelomonelos.blogspot.com
8. O alumnado deberá responder (accedendo a través da web do instituto ou do blog do EDLG) ao formulario editado en google.docs. Nel indicarase o seu nome, apelidos, curso e grupo. É importante comprobar as respostas antes de contestar. En caso de que un concursante envíe dúas ou máis respostas só será admitida a primeira.
9. O primeiro día lectivo de cada semana en que dure o concurso, farase público na páxina web e no blog do Equipo de Dinamización da Lingua Galega e na web do instituto, o alumnado que continua no concurso nos seus diferentes niveis.
10. Para a elaboración e selección de preguntas, o Equipo de Dinamización da Lingua Galega contará co asesoramento dos departamentos citados na base segunda desta convocatoria.
11. Haberá dous premios únicos por cada nivel:
• 1º Premio contará cun vale que se poderá intercambiar na cafetería do centro Alfredo’s Bar.
• 2º Premio contará cun vale que se poderá intercambiar na cafetería do centro Alfredo´s Bar.
12. En caso de empate de gañadores a última semana o desempate farase do seguinte xeito:
a) Maior puntuación nas dúas semanas previas.
b) De persistir o empate realizarase un sorteo sobre os que teñan igual puntuación máxima, tanto para o primeiro como o segundo posto.
12. A participación neste concurso suporá a aceptación destas bases.
Accede ao cuestionario da 1ª semana (do 28 de abril ao 2 de maio):
05/05/24
4 de maio: Día da Ciencia na Rúa
O alumnado de 1º de bacharelato do IES Monelos presentou os seus experimentos, un ano máis, no Día da Ciencia na Rúa.
Entrevista realizada pola alumna de 1º ESO Paula Rial aos alumnos de 1º de bacharelato que realizaron os experimentos para a feira.
14/02/24
21/12/23
Os dez avances da ciencia galega en 2023
Información de Nadia Iglesias en GCiencia
Entrega dos premios do concurso de videos de física e química en galego
O 21 de decembro realizouse a entrega do concurso de videos de física en galego.
Primeiro premio Marcos González Rocha
Segundo premio Daniel Rey Rodríguez
Finalista Uxía Seoane Lage
19/12/23
III Concurso de experimentos de física e química en galego
1º premio: Marcos González Rocha (4º ESO): Densidade
2º premio: Daniel Rey Rodríguez (4º ESO): A pila de ácido cítrico
Finalista: Uxía Seoane Lage (4º ESO): Experimentos sobre a extensión superficial
22/10/23
08/05/23
Radio Monelos: XXVII día da ciencia na rúa
Celebración no parque de Santa Margarida do XXVII día da ciencia na rúa. O IES Monelos participou un ano máis con tres proxectos presentados polo departamento de física e química e tecnoloxía (dous proxectos de tecnoloxía e un de física química) presentados polo alumnado de 1º de bacharelato, 4º ESO e 1º ESO.
Realizan as entrevistas para a radio as alumnas de 4º ESO Martina Iris Estévez Domínguez e Sara Lorenzo Naya.
13/03/23
Gañadoras e gañadores do concurso da muller na ciencia (11 de febreiro) e do día da muller (11 de marzo)
Relación das gañadoras e dos gañadores do concurso da muller na ciencia e o día da muller convocado pola Biblioteca e o EDLG do IES Monelos:
Vázquez Fuentes Noa 1º ESO A
Lisi Piñeiro, Luca Nahuel 2º ESO PMAR
Ramírez Rojas, Kevin 2º ESO PMAR
García Blanco, Amalia 4º ESO A
Varela Ota, Nina 4º ESO A
Hidalgo Novoa Iria 1ºBacharelato B
Entrega dos premios aos gañadores na biblioteca do Centro o venres 17 de marzo. De esquerda a dereita Kevin, Iria, Noa, Amalia, Nina e Luca Nahuel.
13/02/23
Concurso día internacional da muller e a nena na ciencia (11 de febreiro) e día da muller (8 de marzo)
BASES DO CONCURSO
O EDLG e a biblioteca Nautilus do IES Monelos organiza un concurso no que pode participar todo o alumnado do instituto. O concurso comezará o luns 13 de febreiro e rematará o venres 10 de marzo. Dito concurso consistirá en atopar o nome de 21 mulleres relacionadas co mundo da ciencia en Galicia (física-química, bioloxía, farmacia, medicina, matemáticas, tecnoloxía, informática, etc) A información sobre estas personalidades será publicada páxina web do instituto no apartado de departamentos e en concreto no de normalización durante estes días con algún aspecto biográfico delas.
BASES
1. Dirixido a todo o alumnado do centro establecéndose unha única categoría.
2. Para poder participar e necesario cubrir un formulario que estará publicado na páxina web do instituto no departamento de normalización e no blog deste equipo: cotarelomonelos.blogspot.com.
3. Gañarán todas aqueles formularios que acerten o nome de todas as personaxes femininas.
4. Só se concederán ata 5 premios. En caso de haber máis acertantes farase un sorteo público para indicar quen son eses cinco gañadores.
5. O premio consistirá nun vale canxeable por 5 bocatas e bebida na cafetería Alfredo’s Bar do instituto.
23/12/22
Entrega dos premios aos gañadores do concurso "videos de ciencia en galego"
O 22 de decembro fíxose entrega dos premios por parte d@s profesor@s Carlos Álvarez de física e química e Pilar Veiga de lingua e literatura galega.
Nicolás Castro Botana (4º ESO B) 1º premio
19/12/22
Concurso ciencia en galego (2ª edición 2022)
Organizado polo EDLG en colaboración co departamento de Física e Química do IES Monelos.
1º premio Reacción química dun limón efervescente de Nicolás Castro Fontela (4º ESO)
2º premio: Dous experimentos básicos de Martina Iris Estévez Domínguez (4º ESO)
Finalista Victoria Caraballo Hernández (4º ESO)
01/11/22
DÍA DA CIENCIA EN GALEGO CONCURSO EXPERIMENTOS DE FÍSICA E QUÍMICA
Bases do concurso
1. O concurso está organizado polo departamento de física e química do IES Monelos coa colaboración do Equipo de Dinamización da Lingua Galega do centro.
2. O obxectivo do concurso sensibilizar ao alumnado na inquedanza investigadora no ámbito das ciencias. Expecialmente na física e química.
3. No concurso poderá participar o alumnado de 3º e 4º de ESO. O experimento terá carácter voluntario.
4. A proba consistirá na elaboración dun vídeo caseiro sobre un ensaio relacionado coa materia de física e química. A exposición descriptiva terá que realizarse en lingua galega.
5. O xurado estará formado por un representante do departamento de física e química, educación plástica e visual e o representante do equipo de dinamización da lingua galega.
6. A entrega dos vídeos realizarase antes do mércores 30 de novembro.
7. O mércores 14 de decembro o xurado reunirase no 1º recreo para deliberar e outorgar os premios aos videos gañadores.
8. Haberá un gañador e un segundo clasificado que terán premio. Os premios consistirán: • O primeiro premio dun vale de 30 € • O segundo premio dun vale de 20 € •
9. O xurado poderá declarar deserto calquera delas no caso de considerar insuficiente a calidade dos traballos presentados.
10. A participación no concurso supón a aceptación destas bases.
XIII día da Ciencia en Galego
Información en cienciaengalego.org
Os homenaxeados Evariste Galois e Ángeles Alvariño González.
Évariste Galois cambiou as matemáticas, pero tamén a Arte, a Física, a Química, a Xeoloxía inventando o concepto de grupo e aínda o de grupo de Simetría. Hoxe podemos citar 800 libros que falan da Teoría de Galois en Mecánica Cuántica, dos Grupos de Simetría en Cristalografía e Química ou dos 17 grupos de Simetría planos que permiten facer todos os deseños tipo wallpaper posibles no plano, etc. Ou os de 3 dimensións que explican a cristalografía.
María de los Ángeles Alvariño González, nada en Serantes (Ferrol) o 3 de outubro de 1916 e finada en La Jolla (San Diego) o 29 de maio de 2005, foi unha zoóloga, oceanógrafa e mestra galega que liderou o comezo a investigación oceanográfica global. Destacou por describir 22 novas especies de zooplancto mariño, o seu coñecemento dos quetógnatos e por crear novos indicadores das condicións mariñas. Comezou a súa carreira de investigación no Instituto Español de Oceanografía en Madrid e Vigo. A súa seguinte estadía foi a Laboratorio Mariño de Plymouth. Alí converteuse na primeira muller que participou como científica nunha expedición oceanográfica mundial, pois en 1953-1954 participou como investigadora na expedición do buque británico Sarsia. Desde 1956 ata o remate da súa carreira continuou a súa investigación nos Estados Unidos no Instituto Oceanográfico Scripps e no centro de investigación en pesca da NOAA.
Ángeles Alvariño recibiu a Medalla de Prata de Galicia en 1993 e foi a figura que escolleu a Real Academia Galega de Ciencias para conmemorar o día 1 de xuño, o Día da Ciencia en Galicia, do 2015. O Instituto Español de Oceanografía botou un buque en 2012 que leva o seu nome e en 2021 o Parlamento Galego aprobou unha lei que recoñece o seu labor.
No 2022 foi seleccionada para conmemorar o día da Ciencia en galego.
14/05/22
Concurso galego con ciencia 2022 (2ª edición)
RESULTADOS FINAIS E GAÑADORAS DO CONCURSO
Entrega de diplomas e premios da 2ª edición do concurso "Galego con Ciencia" realizarase o luns 30 de maio no 2º recreo no Salón de Actos (Aula Xurxo Lobato)
BASES E OBXECTIVOS
1. Poderá participar todo o alumnado matriculado no IES Monelos no curso 2021-2022.
2. O obxectivo do concurso é fomentar o emprego da lingua galega naquelas materias nas que o galego non é a lingua vehicular na ESO (bioloxía, física e química, matemáticas, tecnoloxía, informática). Tamén preténdese que alumnado acade unha mellora no seu rendemento académico.
3. O concurso durará 4 semanas. Empezará na semana do 19 de abril de 2022 e rematará na semana do 9 ao 13 de maio (coincidindo coa semana das Letras Galegas.
4. O concurso terá tres niveis:
• 1º e 2º de ESO.
• 3º e 4º de ESO.
• Bacharelato.
5. Tódalas semanas en que haxa concurso, o Equipo de Dinamización da Lingua Galega, fará públicas dez preguntas, por cada unha das modalidades, relacionadas coas materias citadas na base segunda desta convocatoria. Estas deberán ser contestadas polo alumnado participante, antes das 14 horas do venres correspondente.
6. O concurso será eliminatorio, organizado da seguinte maneira:
• Durante a primeira semana (19 ao 22 de abril) poderán continuar participando o alumnado que acerte polo menos sete das dez cuestións formuladas.
• Na segunda semana (do 25 ao 29 de abril) poderán continuar participando o alumnado que acerte polo menos oito das dez cuestións formuladas.
• Na terceira semana (do 2 ao 6 de maio) poderán continuar participando o alumnado que acerté polo menos nove das dez cuestión formuldadas.
• Na derradeira semana (9 a 13 de maio) poderán ser gañadores unicamente os que acerten todas as cuestión formuladas.
7. O cuestionario será publicado na web do instituto e no blog do equipo de dinamización www.cotarelomonelos.blogspot.com
8. O alumnado deberá responder (accedendo a través da web do instituto ou do blog do EDLG) ao formulario editado en google.docs. Nel indicarase o seu nome, apelidos, curso e grupo. É importante comprobar as respostas antes de contestar. En caso de que un concursante envíe dúas ou máis respostas só será admitida a primeira.
9. O primeiro día lectivo de cada semana en que dure o concurso, farase público na páxina web e no blog do Equipo de Dinamización da Lingua Galega e na web do instituto, o alumnado que continua no concurso nos seus diferentes niveis.
10. Para a elaboración e selección de preguntas, o Equipo de Dinamización da Lingua Galega contará co asesoramento dos departamentos citados na base segunda desta convocatoria.
11. Haberá dous premios únicos por cada nivel:
• 1º Premio contará cunha dotación de 30 € para pode comprar nun comercio colaborador da zona.
• 2º Premio contará cun vale que se poderá intercambiar na cafetería do centro Alfredo´s Bar.
12. En caso de empate de gañadores a última semana o desempate farase do seguinte xeito:
a) Maior puntuación nas tres semanas previas.
b) De persistir o empate realizarase un sorteo sobre os que teñan igual puntuación máxima, tanto para o primeiro como o segundo posto.
12. A participación neste concurso suporá a aceptación destas bases.
Subscribirse a:
Comentarios (Atom)