Amosando publicacións coa etiqueta baloncesto. Amosar todas as publicacións
Amosando publicacións coa etiqueta baloncesto. Amosar todas as publicacións

28/03/26

O Leyma Coruña fai os deberes e firma unha nova vitoria no seu feudo

Non hai partido doado e o desta noite tampouco o foi. O Grupo Caesa Seguros FC Cartaxena CB saíu forte e non desistiu no intento de dobrar o brazo ao líder, cunha agresiva defensa e intensidade en ataque, facendo perigar en ocasións o dominio que exerceu o Leyma Coruña na maior parte do duelo. Os de Carles Marco mantiveron o control e o xogo rápido a pesar dos intentos do rival de frear o ritmo e de reducir distancias na recta final, rematando cun 82-77 no marcador. Nova vitoria laranxa, novo clamor do Coliseum e un novo MVP para Caio Pacheco con 7 puntos, 11 asistencias e 21 de valoración.

Información en Basquet Coruña 




22/03/26

Golpe de autoridade da escuadra laranxa ante os seus

O Leyma Coruña recuperou a chispa e as sensacións no seu duelo en casa ante o Grupo Ureta Tizona, que entrou ben ao partido pero que non tivo a fortaleza mental para aguantar unha escuadra laranxa que fixo gala da súa identidade, gañando a batalla do rebote e facendo as delicias da Familia Laranxa co seu xogo vertixinoso en toda a pista para finalizar o choque cun 105-84 que equipo e afección dedicaron ao unísono a Dino Radončić, que transmitiu o seu alento a pé de pista durante os 40 minutos. O MVP do partido foi Guillem Jou, con 14 puntos, 3 rebotes, 3 asistencias e 20 de valoración.

Información en Basquet Coruña 

31/08/21

3x3 Cabanas. XIV edición 2021

 Resume videográfico do que foi a XIV edición do 3X3 Cabanas. Celebrado o 30, 31 de Xullo e 1 de Agosto, entre o pabellón da Casqueira en Pontedeume e o parque do Areal en Cabanas. Coma sempre, a pesares da pandemia, baloncesto, diversión e moi bo rollo.