Programas elaborados pol@s alumn@s de 3º ESO Raúl Orosa e Noa Vázquez.
O primeiro programa está centrado sobre a introdución á música tradicional galega e o seu impacto na actual.
O segundo trata das cantareiras e pandeireteiras homenaxeadas neste ano 2025:
Cantareiras
Adolfina (1912-2009) e Rosa Casás Rama (1914-2005) naturais de Vila da Igrexa (Cerceda)
Eva Castiñeira (1925-2008) natural de Agranzón (San Martiño de Ozón-Muxía)
Pandeireteiras
Manuela Lema Villar (1913-1993)
Teresa García Prieto (1914-1979)
Prudencia García Prieto (1905-1993)
Asunción Garrido Ameixenda (1915-2007)
Todas elas da parroquia de Mens en Malpica de Bergantiños. Precisamente coñecidos como as Pandeireteiras de Mens
Eva Castiñeira Loureiro naceu no lugar de Aghransón (parroquia de Osón, Muxía) en 1926. Aos 42 anos migrou ao barrio coruñés de San Pedro de Visma para traballar como asistente doméstica. Tiña 55 anos cando se realizaron estas gravacións. Aos 8 anos comeza cantar facendo trío con dúas pandeireteiras veciñas nos bailes da bisbarra nos que as chamaban para actuar. Ao pouco tempo, asimilado xa o instrumento, tamén ela comeza tocar a pandeireta ademais de cantar. Moitas veces tocaba coa súa irmá Engracia. Os temas interpretados por Eva son todos herdados da tradición popular oral, máis nalgúns casos, adapta letras segundo os modos imperantes por exixencias diglóxicas do seu público. (Texto de Pablo Quintana, recolector desta riqueza inmensa).
Dorothé na Vila é unha película documental que percorre corenta anos despois o mundo gravado pola musicóloga suíza Dorothé Schubarth, autora do Cancioneiro Popular Galego, a maior compilación de músicas de tradición oral do país. Coa presenza de Adolfina e Rosa Casás de Vila da Igrexa (Cerceda)
As Pandeireteiras de Mens intrepretando o Maneo de Mens no Teatro Rosalía de Castro de A Coruña, coas #PandereteirasdeMens acompañando á #AFAturuxo no seu 25 aniversario, ano 1980.
