“O limiar da felicidade dun rapaz hoxe en día está nas redes sociais, no que ve aí, que é algo moi superficial, irreal e artificial. Estámonos esquecendo de formar persoas e iso, ao mesmo tempo, fai á mocidade máis vulnerable nas redes”. Antonio Rial Boubeta, profesor titular da Área de Metodoloxía das Ciencias do Comportamento da Universidade de Santiago de Compostela, é o responsable científico do estudo Adolescencia, Tecnología, Salud y Convivencia, impulsado pola Fundación Barrié, que conta coa participación de máis de 10.000 rapazas e rapaces de entre 12 e 18 anos de centros escolares galegos para analizar o uso que fan das Tecnoloxías das Relacións, a Información e a Comunicación (TRIC).
Información de Ana G. Liste en Praza Pública
