Tentar redescubrir a historia das mulleres supón, ás veces, encaixar as pezas dun quebracabezas formado polas impresións que foron deixando tras de si noutras persoas.
Algunhas traxectorias ficaron no esquecemento porque, ao feito de ser muller, sumóuselle a emigración e a longa noite de pedra do franquismo.
Nós Televisión viaxa á vila de Padrón, á Casa Rosalía, para coñecer a quen foi durante moitos anos a súa cara visíbel: Maruxa Villanueva, actriz, cantante, galega e emigrante.