Xusto na fronteira con Portugal, en terras de QUEGUAS (Entrimo), pero xa en terreo Portugués, atópase a Pena de Anamán. A lenda dí que nela, alá polo século XIX, ou XVI según outras fontes, agochábase tralos seus roubos o mítico bandoleiro Xan das Congostras, tamén coñecido como Tomás das Quingostras.
25/03/23
‘Luar’, cancelado
Información de David Reinero en Praza Pública
Anxo Quintana: "Non vale só con que os nacionalistas o teñamos claro, temos que convencer á maioría"
Anxo Quintana é unha figura clave na historia recente do nacionalismo. Militante do BNG desde a súa fundación foi alcalde de Allariz, a súa vila natal, durante algo máis dunha década. Aquela xestión á fronte do concello converteuno nun referente do municipalismo nacionalista. En 2003 sucede a Xosé Manuel Beiras converténdose en Portavoz Nacional do BNG. Foi o primeiro nacionalista en ocupar un escano no Senado desde a Transición e tamén o primeiro vicepresidente nacionalista da Xunta de Galicia. Este último cargo exerceuno durante catro anos, os mesmos que durou o goberno de coalición co PSdG. Após a vitoria electoral do Partido Popular en 2009 abandona a dirección do BNG.
Quintana entende a política como un exercicio de consenso que vaia máis alá dos convencidos e defende un proxecto nacionalista útil para o país e as súas xentes.
Nós Televisión reúnese con el no Hotel Palacio del Carmen en Compostela. Manteñen unha conversa pausada, centrada nos seus anos de responsabilidade institucional, nas súas ideas sobre as necesidades do país e nas súas reflexións sobre o presente e futuro do nacionalismo galego. #AnxoQuintana #RostrosdoPaís #Nacionalismo
24/03/23
Måi enche de luz o dó con "Altair"
"Altair" é unha canción de Måi que forma parte do seu novo álbum Nigredo, escrita por Iseo Agilda e Tomás Ageitos, con Margarida Mariño ao cello e a masterización de Dr Chou. Judith Adataberna dirixe este videoclip «traendo á luz o que só existía entón como unha idea e un son».
"Altair" é un tema moi especial para Iseo, a voz da banda Måi, que o escribiu como un proceso catártico no que afondaba na relación coa súa nai durante o dó polo seu pasamento. «É unha canción chea de melancolía, de amor, de luz. E para expresar esa emoción e esa luz, contamos co talento de Pablo Kauffman na dirección de fotografía, que conseguiu unhas atmósferas moi expresivas e emocionantes, dando lugar a un vídeo cheo de maxia e moi evocador», explican.
Actuarán en directo este venres 24 na Gentalha do Pichel, en Santiago de Compostela; o 1 de abril na Festa da Chuvia en Rianxo; e o 2 de abril na Arca da Noe, en Vilar de Santos.
Esta década, clave para loitar contra o cambio climático: "Se actuamos agora, aínda é posible un futuro habitable para todos"
MJ Pérez - A Peza Solta (Ao Vivo)
Esta versión revisada de “A Peza Solta” foi interpretada ao vivo na Sala Rebullón o pasado 5 de marzo de 2022, MJ Pérez acompañada de toda a súa banda ofreceron dentro do seu concerto esta canción que, sen dúbida, foi o momento especial da noite.
23/03/23
Radio Monelos: Historia da Coruña e do noso barrio. Capítulo 13. O vello concello de Oza
Programa elaborado polas alumnas de 1º ESO Lara Beade Hermida e Sara Díaz Ruíz.
Antigo edificio do concello de Oza no Corgo (rúa Montes) perto do IES Monelos
Presentación na Coruña da exposición "Picasso branco no recordo azul"
A mostra aberta ao público no Museo de Belas Artes dende o venres 24 de marzo contén 120 pezas vinculadas a Picasso das que 68 son obras propias. Unhas enmárcanse cronoloxicamente no período comprendido entre 1891-1895, os anos en que viviu na Coruña; outras pertencen a etapas artísticas posteriores e reflicten a súa pegada, motivos e elementos aprendidos na súa etapa coruñesa.
22/03/23
Radio Monelos: programa musical sobre Antía Muíño
Programa realizado polas alumnas Catalina Bago Pérez (2º ESO) e Sara Lorenzo Naya (4º ESO)
Algúns videoclips: Carta Aberta; Herba de Namorar; Terra e Canta, miña compañeira:
As persoas coa síndrome de Down reclaman no seu día autonomía persoal e "as mesmas oportunidades cós demais"
21/03/23
A dixitalización da Xunta no ensino triplica o número de materias 'vetadas' ao galego
A presenza real do galego no ensino secundario fica moi por
baixo do que estabelece o propio decreto de 2010 aprobado polo Goberno
galego —que xa reducía a súa presenza—. Edixgal, a ferramenta da Xunta
da Galiza de dixitalización no ensino, reduce ou exclúe o galego en
determinadas materias.
Porno antes dos 12 anos: "Ante a falta de educación afectivo-sexual a rapazada aprende da pornografía"
Case a metade da poboación menor comeza a ver porno antes dos 12 anos. Falamos co profesor de Socioloxía da USC Jorge García Marín sobre o estudo que vén de presentar sobre o consumo cada vez máis temperán e pouco crítico de pornografía.
Radio Monelos: programa musical "Malandrómeda"
Programa musical elaborado polos alumnos de 4º ESO Fernando López Arias e Anxo Vázquez Seoane.
Videoclips VHS do futuro, Catro agullas pra unha bolboreta e Bótalle caldo(cumbia malandra). Tamén o video De chea con Malandrómeda.
Tempo atmosférico na Coruña do 21 ao 28 de marzo
Predición realizada pola Meteoescola do IES Monelos. Na locuión o alumno de 4º ESO Anxo Vázquez Seoane.
20/03/23
19/03/23
A viguesa María Vázquez faise co premio á mellor actriz no Festival de Cinema de Málaga
Entrevista a Lara Dopazo: "A fantasía permite buscar unha saída a historias moi difíciles de resolver na realidade"
Lara Dopazo gañara o premio literario Illa Nova de Narrativa con O axolote e outros contos de bestas e auga, (Galaxia). Dende entón, non soubemos máis dela como escritora. Aproveitamos a súa estancia en Estados Unidos, onde segue formándose en escrita creativa, para rescatar esta obra, unha das poucas de narrativa que publicou a súa autora, máis coñecida pola súa poesía. O axolote e outros contos de bestas e auga é un libro de contos nos que o animal e o humano e o real e o sobrenatural se mesturan. Onde volven os corpos feridos. Ou a violencia e a morte. Pero tamén a protección da comunidade. Ou dunha natureza que pode ser hostil ou aliada.
Mayte Cabezas xornalista da TVG: "Non se poden asaltar os medios públicos e facer con eles o que se queira; a CRTVG é de todos os galegos"
Información de Miguel Pardo en Praza Pública
18/03/23
Entrevista a Pepe Cunha: "A CRTVG non apostou por divulgar a música galega e sen iso non se pode crear un público e unha industria"
Nun país no que moitos proxectos culturais e xornalísticos dependente principalmente do entusiasmo dos seus creadores, o vixésimo aniversario dunha iniciativa de divulgación merece celebración e recoñecemento. O portal musical Ábrete de Orellas está a celebrar os 20 anos da súa web (que recentemente anovou a súa estrutura para visualizar mellor as crónicas de concertos, recensións de discos, novas e a axenda), aínda que o proxecto comandado polo ferrolán Pepe Cunha ten aínda máis traxectoria, pois o programa radiofónico do mesmo nome leva emitíndose dende o ano 1997, con máis de 500 edicións.
Información de Marcos Pérez Pena en Praza Pública
Unha ducia de carteis a prol do uso da lingua galega
No último medio século son moitas as campañas publicitarias lanzadas para promocionar o uso e a normalización da lingua galega, tanto dende a Xunta como dende concellos ou entidades culturais, lingüísticas e formacións políticas. Repasamos aquí algunhas delas, dende as reivindicacións a prol da oficialidade da lingua galega na Transición ás máis recentes apelacións a consumir produtos etiquetados en galego.
O temor a unha nova crise bancaria regresa dez anos despois da caída das caixas en Galicia
Información de Miguel Pardo en Praza Pública
Esther Estévez: “Son unha privilexiada pola miña variedade dialectal”
Esther Estévez nace en Verín en 1997. Licenciase en Xornalismo e fai as súas prácticas na Radio Galega e aquí, en Nós Televisión.
O seu lanzamento profesional prodúcese na Televisión de Galicia co nacemento, en 2020, do programa #dígochoeu que busca mellorar as competencias lingüisticas da lingua galega e que, desde o inicio, goza de moita popularidade entre a xente. Tanto que a partir do Digócho eu inicial nacen máis proxectos como é o 'Apuntamento lusófono'.
O traballo da xornalista de Verín conta co recoñecemento de dous Premios Mestre Mateo á mellor comunicadora. Entramos na TVG e sentamos con Esther Estévez para falar da súa carreira profesional, das linguas galega e portuguesa, dos medios públicos galegos e mesmo do seu futuro laboral.
17/03/23
Vinte en ruta #08. Terras da Salga: de Carnota a Noia
Información de Jorge Guitián en Vinte
O Colexio de Xornalistas critica que continúe en vigor a "perniciosa" Lei Mordaza, un "retroceso á liberdade de prensa"
Os salarios aumentaron un 2,7% en Galicia na fin de 2022, dous puntos por baixo da media do Estado e moi lonxe da suba do IPC
16/03/23
Andrea Pousa, cantante e actriz - Superheroínas - Novas voces para a lingua
A cantante e actriz Andrea Pousa é unha das sete protagonistas da serie 'Superheroínas', producida pola Real Academia Galega e a Universidade de Santiago de Compostela no marco da segunda edición do proxecto 'Novas voces para a lingua'.
A serie foi dirixida por José Manuel Diego Ferreira, alumno de Xornalismo, e protagonizada pola cociñeira Lucía Freitas, a poeta Alba Cid, a creadora de videoxogos Laksmy Irigoyen, a xornalista Esther Estévez, a instagramer Paula Jorge, a fotógrafa Antía Castro e a propia Andrea Pousa.
A proposta dálle continuidade a 'Novas voces para a lingua', cuxa primeira serie, 'Conseguiremos', tamén pode verse na canle de Youtube da RAG.
15/03/23
Radio Monelos: programa sobre Baiuca
Programa de Radio Monelos elaborado pol@s alumn@s de 1º de Bacharelato Celtia Suárez Fernández e Pepe Verdía García sobre "Baiuca" unha mestura da música electrónica coa tradicional.
Algúns videos musicais de "Baiuca": "Veleno", "Embruxo", "Morriña" e "Adélia":
Radio Monelos: Historia da Coruña e do noso barrio. Capítulo 12. Urbano Lugrís
Neste ano 2023 cúmprese o 50 aniversario da morte do artista coruñés Urbano Lugrís. Desde Radio Monelos queremos recuperar a memoria deste inmenso pintor que ilustrou o soño desta Coruña mergullida nesta inmensidade atlántica.
@s alumn@s de 1º de ESO Inés Insua Puente e Raúl Orosa Sanjuan realizan este programa de Radio Monelos.
E unha novela moi interesante (máis ben para maiores) sobre Lugrís: "O señor Lugrís e a negra sombra" escrita por Luís Rei Núñez e publicada por Xerais no 2007 que ben merece a pena para coñecer a vida deste grande artista.
E algo sobre a súa obra pictórica:
TARAMUNDI (ASTURIAS) a vista de dron
Percorrido a vista de dron por Taramundi, Pardiñas, Vega de Zarza, Mazonovo, Os Castros, Os Teixois e As Veigas, na Comarca de Oscos-Eo (Asturias).
14/03/23
Radio Monelos: grupo musical "Terbutalina"
Programa musical sobre o grupo garaje punk "Terbutalina" elaborado polos alumnos de 4º ESO A Elías Pardo Fernández e Abel Vilariño Gerpe.
Algúns videoclips do grupo: "Muinheira da Costa", "O Rei", "Pura makica" e "Ninguén che quere".
Predición do tempo na Coruña do 14 ao 21 de marzo
Elaborado pola Meteoescola do IES Monelos. Na locución o alumno de 4º ESO A Abel Vilariño Gerpe.
13/03/23
Gañadoras e gañadores do concurso da muller na ciencia (11 de febreiro) e do día da muller (11 de marzo)
Relación das gañadoras e dos gañadores do concurso da muller na ciencia e o día da muller convocado pola Biblioteca e o EDLG do IES Monelos:
Vázquez Fuentes Noa 1º ESO A
Lisi Piñeiro, Luca Nahuel 2º ESO PMAR
Ramírez Rojas, Kevin 2º ESO PMAR
García Blanco, Amalia 4º ESO A
Varela Ota, Nina 4º ESO A
Hidalgo Novoa Iria 1ºBacharelato B
Entrega dos premios aos gañadores na biblioteca do Centro o venres 17 de marzo. De esquerda a dereita Kevin, Iria, Noa, Amalia, Nina e Luca Nahuel.
12/03/23
O galego é xa o 37º idioma con máis peso a nivel mundial e supera outros con millóns de falantes
A última actualización do Barómetro das Linguas do Mundo sitúa a lingua propia do país cunha puntuación global de 5,538 sobre 13. A presenza na Internet, chave na clasificación.
Ensino do galego - 'O que está a faltar': Responsabilidade Institucional?
Manolo Portas é sociolingüista e diretor do IES Xelmírez I
'O Corpo Aberto' consegue 12 premios na edición dos Mestre Mateo de 2023
O filme da cineasta Ángeles Huerta obtivo 12 galardóns, entre eles o da mellor longametraxe, o da mellor dirección e o do mellor guión.
Vinte en ruta #07. Pelerinaxes: nunca é tarde para ir a Santo André de Teixido
Información de Adrián Estévez en Vinte
Cinco concellos, cinco meses, cinco pezas teatrais e unha mesma idea: compartir o camiño
Información Ana G. Liste en Praza Pública
Reducir á metade ou menos o custo do bus interurbano disparou o seu uso un 31%
O deseñador gráfico, ilustrador e viñetista Luis Davila gaña o Premio Trasalba, que entrega a Fundación Otero Pedrayo
Destácase "a implicación" de Davila "na defensa da nosa lingua" e "a proximidade social das mensaxes que formula en defensa do galego". A acta do acordo subliña ademais "a calidade do humor gráfico e a popularidade das viñetas" de O Bichero, que "transmiten un compromiso e unha modernidade que sería moi do gusto de don Ramón". O acto de entrega celebrarase o vindeiro 25 de xuño.
Subscribirse a:
Publicacións (Atom)