17/05/20
Ferrol 1916. Ricardo Carballo Calero / Miguel Brotóns
"Ferrol 1916" é un poema de Ricardo Carballo Calero que forma parte da súa obra "Futuro incondicional". Este texto no que Carballo Calero evoca a súa nenez serviu de base para a composición homónima realizada por Miguel Brotóns (Alacante, 1965). Neste atípico 17 de maio ofrecemos a estrea absoluta desta peza interpretada polo pianista Alejo Amoedo e pola soprano Patricia Rodríguez Rico. Este compositor afincado en Ferrol desde hai dócadas quixo transmitir "baixo unha estética musical de corte neoclásico e posromántico con pinceladas de nostalxia, agarimo e tenrura, os recordos pretéritos do paraíso perdido da infancia do poeta vividos na súa cidade natal de Ferrol".
16/05/20
15/05/20
14/05/20
Queremos Galego convoca a cidadanía para manifestarse a prol do galego
A plataforma cidadá Queremos Galego,
que agrupa a colectivos de diferentes ámbitos e mais a persoas a título
individual, organiza para o vindeiro 17 de maio diferentes actos
reivindicativos a prol da normalización do galego, coincidindo coa
festividade das Letras Galegas. Este ano, por mor da Covid-19, non se
celebrará a tradicional manifestación polas rúas de Santiago, polo que
Queremos Galego convida a cidadanía a manifestar o seu compromiso co
noso idioma pendurando nas súas xanelas e varandas, ou subindo ás redes
sociais, diferentes modelos de carteis
co lema “Precisamos galego: xustiza, igualdade e cohesión”. A maiores, o
mesmo 17 de maio, ás 11:30 h, un pequeno grupo de persoas, en
representación da plataforma, celebrará unha ofrenda floral no busto de
Carvalho Calero en Santiago, onde se lerá o manifesto, redactado pola profesora Pilar García Negro.
13/05/20
12/05/20
11/05/20
10/05/20
09/05/20
Suspendido o día da ciencia na rúa no seu 25 aniversario
Íase celebrar o sábado 9 de maio.
Suspendido como consecuencia do COVID-19
O IES "Eduardo Blanco Amor" de Culleredo elabora un plan de desconfinamento progresivo da lingua galega
Para o mes de maio e xuño de 2020
08/05/20
Carballo lembra a loita veciñal por Baldaio 43 anos despois da histórica manifestación
Efemérides: o 8 de maio de 1977 unha gran manifestación reclamou en Carballo a recuperación da marisma de Carballo da que unha empresa levaba anos extraendo area. Información en Praza Pública
07/05/20
06/05/20
05/05/20
04/05/20
Letras galegas: quen foi Carvalho Calero?
A pesar do confinamento e das
dificultades técnicas para rematar a gravación, xa temos á disposición
de toda a comunidade educativa o Telexornal Carvalho Calero. Un
excelente traballo que recolle as opinións dos maiores especialistas na
obra do escritor ferrolán. Parabéns ao alumnado do CPI dos Dices de
Rois que participa no programa e ao coordinador do traballo, o profesor
Luís Gómez Aldegunde.
03/05/20
«Galaxia garda a alma de todos os galegos»
Sen esta grande editorial, que cumpre 70 anos, non existirían nin Cunqueiro, nin Casares, nin Ferrín, nin tantos outros autores clásicos e recentes como Domingo Villar. Festexamos por outros 70 máis!
Información de Sandra Faginas en Fugas en La Voz de Galicia
02/05/20
SonDaRúa
Eterno Combate é o último adianto do grupo rapeiro SonDaRúa, ademáis do tema que dá nome ó álbum!! Gravación, edición e montaxe do videoclip por Daniel Pérez Visual.
01/05/20
1º de maio: a festa d@s traballador@s
Neste ano tan atípico e distópico aí vai "A internacional" interpretada por Navia Rivas.
O Maio
"O maio" é un dos poemas máis coñecidos de Curros Enríquez no que o
poeta invoca unha primavera de liberdade e xustiza. Neste Primeiro de
Maio tan diferente, o Consello da Cultura Galega (CCG) vén de xuntar nun
proxecto celebrativo este poema reivindicativo de Curros coas novas
voces da música galega. O resultado é un vídeo musical que mestura rumba
con influencias da música tropical para dar a benvida ao mes de maio e,
de paso, celebrar a vida cun alento solidario. Haberá mil primaveras
máis!
O Club de Lectura do IES Monelos
O club de lectura do IES Monelos non é un club onde só
séntese frío e onde hai moitísimas persoas que só forman barullo, senón que é
un pequeno espazo, normalmente no mesmo lugar da clase, no que durante os
recreos un grupo de máximo 10 persoas comentan o libro ou unha parte do mesmo
que tiñan que ler para a data indicada.
Se alguén sente interese pola lectura, recomendo moito
esta actividade. Sempre é mellor comentar unha obra en compañía que en soidade.
Ademais, fanse excursión todos os anos para aqueles que sexan membros: son todo
vantaxes!
Este ano, aínda que non puidemos rematar todas os libros
que estaban marcados, si limos dúas obras, aínda que a primeira destas sexa
unha compilación de contos de terror do século XIX. Entre estes relatos curtos
destacan os de Edgar Allan Poe, os cales recomendaría a todo o mundo, xa gusten
desa temática ou non.
No segundo trimestre limos a primeira e última novela
deste curso: Europa Express, de
Andrea Maceiras. Aínda que a novela asemella que é prometedora, isto non é así.
É entretida, pero algunhas partes fanse tan aburridas e entediantes que ás
veces quérese tirar o libro pola fiestra. Unha mágoa, xa que todos os libros
elixidos no club son moi boas obras. Mais algunha vez haberá algunha excepción,
non?
En resumo, o club de lectura do noso instituto é un moi
bo lugar para todo amante da lectura. Ademais, os compañeiros serán da mesma
idade, pois va por clases, algo que, sendo sincera, penso que é aínda un punto
máis a favor.
4º ESO B Marta Justo Brañas
30/04/20
29/04/20
28/04/20
A educación en Galicia: da Restauración á II República
Traballo elaborado polo equipo da biblioteca en colaboración co EDLG do IES Monelos neste período de confinamento polo coronavirus
27/04/20
26/04/20
25/04/20
24/04/20
23/04/20
25 de abril: recordando a revolución dos cravos
Diversas
entidades fan un chamamento a cantar dende as fiestras o "Grândola, Vila
Morena" este sábado 25 de abril ás 16 horas, para conmemorar o
aniversario da Revolución dos Cravos. A Associaçom José Afonso-Galiza
inclúe outras actividades na celebración. Tamén se propón subir ás
redes sociais imaxes e vídeos empregando #25deAbril e #25deAbrilGZ.
22/04/20
Un galega fai rir ao mundo cos seus vídeos a través de Tik Tok
A xerontóloga Laura Franco, de Noia conta con máis de 180.000 seguidores en todo o planeta
Información de Carla Elías en La Voz de Galicia (18-4-2020)
Información de Carla Elías en La Voz de Galicia (18-4-2020)
Os seus vídeos de poucos segundos que colga na plataforma Tik Tok atravesan fronteiras e chegan a numerosos países. Comecei dunha maneira moi inocente, bailando cunha amiga de broma, recorda Laura Franco. Leva apenas un ano na rede social (o seu usuario é @laurafranco111) pero esta xerontóloga de Noia converteuse nunha das galegas máis seguidas.
Comezou con vídeos máis humorísticos, pero covertiu o feminismo e o galego nos seus temas fetices. Busco a igualdade en todos os aspectos, aínda que priorizo á muller por temas persoais. Pero tamén intento que as persoas desconecten, e por iso subo humor e chistes fáciles. Á xente gústalle e eu pásoo ben, explica. Pero xusto o seu contido "serio" foi o primeiro que se fixo famoso e provocou que gañase moitos seguidores. Recaín en que as mulleres insultabámonos un montón entre nós, e pareceume tan pero tan feo que un día fixen o meu primeiro audio serio, sen bailar nin bromas, e viralizouse. Pero eu ignorei completamente Tik Tok un mes ou así, e cando entrei de novo tiña máis de seis mil seguidores novos sen decatarme, recorda.
Así comezouse a popularizarse, e non só na Rede. A xente comezou a facerme preguntas sobre o mundo do feminismo e eu seguín subindo vídeos. Comecei a darme conta da importancia cando me empezaron a parar na rúa para quitar unha foto, recorda.
Agora a súa popularidade mídese en miles e millóns. Conta con máis de 182.000 seguidores, suma 7,7 millóns de gústame e os seus vídeos máis imitados superan as 90.000 versións. Pero, a guasa vén de serie. Sempre fun de humor fácil. De feito, os chistes máis elaborados a min non me fan graza. Normalmente contaba un chiste e ría eu soa. Os meus amigos non rin nunca, ignóranme completamente. Pero en Tik Tok atopei a persoas que teñen o meu humor malo. Botéillelo en cara aos meus amigos! Bromea.
21/04/20
Morre aos 97 anos Luz Pozo Garza, voz esencial da poesía galega do século XX
Foi unha das profesoras dende a creación do IES Monelos fai máis de 50 anos
En memoria
de Luz Pozo Garza
Esta gran poeta, membro da Real Academia Galega desde o
29 de novembro de 1996, foi moi importante para o noso instituto, o IES
Monelos, pois foi directora na súa fundación (a finais da década dos 60).
As súas obras foron moi ben recibidas e foron premiadas
con moitas distincións: Medalla Castelao, Premio da Critica da poesía Galega,
premio Larexo... o seu poemario máis famoso foi El pájaro en la jaula.
Naceu en Ribadeo o 21 de xullo de 1922. Cando só tiña
catorce anos, a causa da Guerra Civil, tivo que trasladarse a Lugo e
posteriormente a Marrocos, máis concretamente en Larache. Xa de volta en
Galicia, instalouse en Viveiro, lugar onde realizaría estudos musicais que
influenciarán a súa obra poética. Tamén estudaría maxisterio e filoloxía
románica.
Máis tarde, tras instalarse en Vigo, estivo impartindo
clases como profesora de lingua española até a súa xubilación en 1987. Tamén
estivo involucrada nas revistas Nordés
e Clave Orión.
Morreu o 20 de abril de 2020, con 97 anos, na cidade d’A
Coruña. Unha gran perda para a lingua e literatura galega.
4º ESO B. Marta Justo Brañas
Fragmento de 'Cantiga para ler en tempo de penumbra' (Códice Calixtino, 1986)
Cae unha folla intacta coma laio
talvez volver os ollos a contemplar o tempo
bailar corpo belido
no centro da mudanza onde o mar é levado
e non saber a forma precisa da demora:
E ai Deus se virá cedo!
Dormir soñar morrer acaso
agardar un encontro para se tornar caricia
e bañarse nas ondas
nas mesmas vivas aguas da existencia
sílabas delicadas ausencias repentinas
a se perder no reino do lamento:
E ai Deus se virá cedo!
talvez volver os ollos a contemplar o tempo
bailar corpo belido
no centro da mudanza onde o mar é levado
e non saber a forma precisa da demora:
E ai Deus se virá cedo!
Dormir soñar morrer acaso
agardar un encontro para se tornar caricia
e bañarse nas ondas
nas mesmas vivas aguas da existencia
sílabas delicadas ausencias repentinas
a se perder no reino do lamento:
E ai Deus se virá cedo!
Subscribirse a:
Publicacións (Atom)