Programa elaborado polas alumnas de 4º ESO Camila Pazo e Inés de Rodríguez
Algúns videoclips elaborados por Mondra: "Punheta!", "Beijos de LK", "Saco de pulgas" e "AghrÚuU"
03/02/24
A Galiza sitúase como referente do muralismo: obras de Fene, Nigrán e Lugo impóñense como as mellores do mundo
A obra gañadora, do artista Sfhir, cobra vida ao interactuar co día a día da veciñanza.
02/02/24
Unha ducia de anos de Praza Pública
O 1 de febreiro de 2012 botou a andar Praza Pública, que este xoves celebrou o seu 12º aniversario. 12 anos informando sobre Galicia e dende Galicia, con rigor, profundidade e seriedade, nun proxecto sostido e dependente dos seus lectores e lectoras, dos seus socios e socias. Velaquí unha ducia dedicada aos 12 anos de Praza.gal.
Información de Marcos Pérez Pena en Praza Pública
"É moi lamentable que unha sociedade do século XXI teña prexuízos lingüísticos"
Que pasa co galego? Non é unha pregunta que sexa allea a quen teña un mínimo interese na nosa lingua. A resposta, pola contra, acostuma a ofrecerse en foros especializados ou a través de discursos máis ben académicos. O libro Que pasa co galego? 32 preguntas sobre a situación social da lingua, publicado por Edicións Xerais, está escrito polo catedrático de Lingüística Xeral da Universidade de Vigo Fernando Ramallo (Vigo, 1965), que formou parte do Comité de expertos da Carta europea para as linguas rexionais ou minoritarias do Consello de Europa, pero diríxese ao conxunto da sociedade que convive coa lingua. Nel atópanse cuestións como o uso do galego nas redes sociais, o bilingüismo, a relación coa Lusofonía, a intelixencia artificial, os dereitos lingüísticos ou a influencia do capitalismo sobre a lingua galega. Cun ton rigoroso, pero divulgativo, Ramallo ofrece unha nova canle para facilitar a comprensión da problemática actual do galego.
Información de Ana G. Liste en Praza Pública
01/02/24
Radio Monelos: novas do 25 ao 28 de xaneiro
Programa elaborado pol@s alumn@s Yelina Dopico (4º ESO) e Alejandro Lorenzo (1º Bacharelato)
Radio Monelos: emisión do 2º programa de "Monelos no ar"
Emisión do segundo programa en directo de "Monelos no ar" realizado este mércores 30 de xaneiro.
O programa estivo centrado sobre preguntas e respostas sobre a institucións da UE, dentro do proxecto de Escolas Embaixadoras do Parlamento Europeo, e unha entrevista ao alumno de 2º de Bacharelato Xoel Saavedra importante promesa do voleibol español.
Coordinaron o programa as profesoras Mónica Alonso e Elena Conde. Na presentación estiveron as alumnas de 2º ESO Lara Beade e Inés Insua. Entrevistou Noelia Saavedra, de 3º de ESO, ao seu irmán Xoel.
Que está a pasar en Ourense?
Información de Jorge Guitián en Vinte
31/01/24
30 de xaneiro: celebramos o día da Paz e da Non Violencia
O alumnado de 1º de ESO participou nun concurso de carteis coordinado pola profesora de Xeografía e Historia Rosa Gómez.
O Equipo da Biblioteca e o EDLG organizaron un recital poético coordinado pola profesora de galego Luísa Corredoira.
30/01/24
29/01/24
Predición meteorolóxica para A Coruña do 29 de xaneiro ao 5 de febreiro
Predición elaborada pol@s alumn@s de 1º ESO Héctor Fernández-Villarrenaga e Valery Gerez para a Meteoescola.
19º concurso de Fotografía Xurxo Lobato 2024 para alumnado de secundaria, bacharelato, fp e escolas de arte
Convocado pola Asociación de Amigos do Instituto de Monelos da Coruña
A data de entrega dos traballos para concursar remata o 31 de marzo.
Os clubs de fútbol galegos únense á campaña "Aquí tamén se fala galego"
Cando Arsenio conseguiu deter un diluvio, o Dépor fixo historia. Cando o Racing decidiu abandonar os infernos, comezaron a soñar cos ceos. Cando no 92 o CD Lugo colleu con firmeza o sacho, os campos da muralla tinguíronse para sempre de vermello e branco. E cando o Celta acadou a excelencia estética dentro dun campo de fútbol, puxo a bailar "A Rianxeira" a toda Europa.
Hoxe o fútbol galego vai, de man dadas, nun novo paso que virá marcar un antes e uns despois. Porque o fútbol profesional galego: Dépor, Racing, Lugo e Celta, berra con orgullo que en Riazor, na Malata, no Anxo Carro e en Balaídos "Tamén se fala galego".
Máis información en Aquí tamén se fala
28/01/24
Escalada de prezos de alugueiro e compra e pisos turísticos: a vivenda convértese nun dos problemas de Galicia e entra en campaña
Información de Marcos Pérez Pena en Praza Pública
27/01/24
26/01/24
Radio Monelos: Historias da Coruña. Luís Suárez
Programa elaborado polas alumnas de 1º ESO Carolina Barbeito de la Cruz e Paula Rial Cernadas
.JPG)
Casa natal na rúa Hércules da Coruña
Placa conmemorativa na súa casa natal
25/01/24
Radio Monelos: programa musical sobre Ugia Pedreira
Programa presentado polas alumnas de 3º ESO Catalina Bago e Sabela García.
Algúns videoclips: "Mares sucados", "Onde está o verso", "Agua e carbono" e "Pra vos a verdade".
24/01/24
Programa musical sobre "O Sonoro Maxín"
Programa elaborado polas alumnas de 1º ESO Inés Insua e Noa Vázquez.
Algúns videoclips e actuacións en directo: "Así se constrúe unha bomba", "Quérote máis", "SeteDezasete", e "Os zapatos vellos".
Radio Monelos: novas do 16 ao 23 de xaneiro
Programa elaborado e presentado pol@s alumn@s Yelina Dopico (4º ESO) e Alejandro Lorenzo (1º Bacharelo)
23/01/24
Radio Monelos: historia do transporte público colectivo na Coruña
Programa realizado polas alumnas de 1º ESO A Zeltia Deus Martín e Iria García Puga
Tranvías da Coruña
Tranvía A Coruña-Sada
Os trolebuses. Documental para a televisión inglesa
Trolebús A Coruña-Carballo (O Arteixo)
A vivenda protexida remata outra lexislatura galega en mínimos malia ao impulso dos fondos da UE
Información de David Lombao en Praza Pública
22/01/24
Predición meteorolóxica do 22 ao 24 de xaneiro
Elaborada para a Meteoescola polas alumnas de 1º ESO Estela Cao e Iria Díaz.
21/01/24
20/01/24
Olladas doutro tempo: Torre de Hércules (II)
Información de Fernando Campos Mantiñán en Xornal da Coruña
A intelixencia artificial no gume da navalla
Información Minia Monteagudo Vilavedra en Praza Pública
Beatriz Maceda: "Luísa Villalta era unha persoa adiantada ao seu tempo e con moita cultura"
Información de Laura Veiga en Nós Diario
Jaione Camborda: “Gustoume levar á pantalla a mulleres conectadas co seu corpo”
A guionista e directora de cine Jaione Camborda nace en Donostia en 1983 aínda que, desde 2010, vive e traballa en Santiago de Compostela. A súa primeira longametraxe chámase Arima, premiada á mellor dirección no Festival de Cine de Sevilla. Coa segunda, O Corno, consegue a Cuncha de Ouro á mellor película no Festival Internacional de Cine de Donostia. É a primeira vez que se premia neste Festival un filme en lingua cooficial, neste caso, en lingua galega. Tamén é a primeira muller nada no Estado español que se fai coa Cuncha de Ouro. Entramos na Facultade de Ciencias da Comunicación, en Compostela, para falar con Jaione Camborda sobre estas conquistas, a importancia dun bo equipo técnico e de cine, moito cine.
'Iribarne': unha traxedia sobre as múltiples faces de Fraga cun pouco de comedia "para sobrevivir"
Información de Ana G. Liste en Praza Pública
Berto - WHO THE F*CK IS IRIBARNE?
19/01/24
Máis de cen colectivos chaman á "defensa do mar" nunha marcha que a Xunta ve prexudicial e "electoralista"
Información de Miguel Pardo en Praza Pública
O pobo vence a "inacción": así se recollen os 'pellets' en Muros
Información Ana G. Liste en Praza Pública
Blondiemuser: Cando a rabia galega viraliza a crise dos ‘pellets’ (e mobiliza os medios)
Información de Vanesa Vázquez en Vinte
18/01/24
Radio Monelos: programa musical sobre Caamaño&Ameixeiras
Programa elaborado polos alumnos de 1º de bacharelato Lucas Eiroa Osoro e Anxo Vázquez Seoane.
Algúns videoclips de Caamaño&Ameixeiras: "Maneo de Cambre", "Alegría Dio'la dea", "A pequena morte", "Ai de min"
17/01/24
A xornalista herculina Sofía Casanova, xa no fondo da Real Academia Galega
Información en Xornal da Coruña
Radio Monelos: resumo de novas (do 9 ao 16 de xaneiro)
Programa realizado pol@s alumn@s Yelina Dopico (4º ESO) e Alejandro Lorenzo (1º de Bacharelato)
16/01/24
Historias da Coruña: A Torre de Hércules
Programa elaborado polas alumnas de 1º de ESO Carolina Barbeito de la Cruz e Laura Virosta Peón.
15/01/24
Predición meteorolóxica para a A Coruña do 15 ao 22 de xaneiro
Elaborada pola Meteoescola do IES Monelos. Locución de Lorenzo Gómez Dacosta (1º ESO A)
O IES Monelos incorpórase a campaña "Aquí tamén se fala galego" iniciada polo IES Rafael Dieste da Coruña
Xa son máis de 150 centros educativos de toda Galicia os que están a difundir polos establecementos esta campaña de difusión do uso do galego.
O alumnado do IES Monelos comezará coa difusión de cartazes polo noso barrio neste mes de xaneiro.
14/01/24
2 de febreiro: celebración do día da Candeloria
A candeloria é unha palabra que ten a orixe no substantivo latino candela -ae, ‘luz alimentada con cera ou sebo’, termo co que se crea no latín tardío festa candelarum, ‘a festa das candeas’, que chega a nós acurtando a locución.
Celébrase o día 2 de febreiro, época importante no ciclo astronómico, pois coincide coa metade do inverno, no intre xusto entre o solsticio da estación fría e o equinoccio de primavera, (pola candeloria, medio inverno vai fóra), no momento en que medran os días e a natureza comeza a preparar o estourido de vida que está a chegar.
Sendo un intervalo relevante do ciclo estacional non é de estrañar que todas as culturas tivesen celebracións ao redor da data, sempre festexando a volta da luz e do desexo de fertilidade. Así, na mitoloxía celta, chamábanlle Imbolg, celebración na honra da deusa Brigit, protectora das colleitas, o gando e a fecundidade. A candeloria tamén podería estar relacionada coa festa romana das Lupercais, na que, alén de venerar o deus da fertilidade e a sexualidade masculina, Pan, facíase unha procesión onde os participantes zorregaban a xente cunhas tiras de coiro, co obxecto de “purificala”. O catolicismo procurou rematar coa festa –como fixo con moitas outras celebracións pagás–; para iso, o papa Xelasio transformouna na festividade relixiosa da “purificación” da Virxe María e mais a presentación de Xesús no templo; co paso do tempo, fíxose costume nas parroquias bendicir as candeas que se empregarían logo en caso de tronada ou nos velorios para alumear o defunto no camiño ao máis alá.
A voda dos paxariños
A partir da candeloria, ningunha ave voa soa di o refrán para lembrar que o mes de febreiro comeza, na cultura popular, cunha celebración ben especial, xa que casan os paxariños, ao que comeza o retorno das aves migratorias e os cortexos preludian o renacer primaveral. Da importancia que ten esta representación na imaxinaría tradicional europea dá conta a multitude de estampas nas que, desde tempos inmemoriais, o símbolo do amor e a unión sentimental son apaixonadas parellas de aves xuntando os peteiros. Tal é así que algunhas persoas defenden que, para nós, o 2 de febreiro debe ser a data do amor romántico, e non a que se celebra doce días máis tarde na honra dun crego romano do século III, chamado Valentín, representado cun rapazolo gordecho e voador que anda aseteando a xente… onde vai parar! Non hai comparación!
O venres 2 febreiro o EDLG do IES Monelos pretende celebrar este día.
Para iso pensamos en que podiades enviar unha mensaxe por escrito nunha carta de afecto a un d@s compañeir@s de clase ou do centro que teñades en estima, amistade...
Na semana do 25 de xaneiro ao 1 de febreiro podedes entregar a carta (escrita en galego) a un membro do Equipo de Dinamización que se encargará de depositala na caixa de correo ao longo desta semana.
No sobre poñeredes o nome e apelidos do destinatario e o curso.
O venres 2 de febreiro entregaráselle a carta ao destinatario.
Bases do concurso día da paz 1º ESO (30 de xaneiro)
1. O concurso está organizado pola materia de Xeografía e Historia de 1º de ESO coa colaboración do Equipo de Dinamización da Lingua Galega do centro.
2. O obxectivo do concurso sensibilizar ao alumnado nos valores da xustiza e da paz, implicándoos na resolución de conflitos de forma pacífica, partindo da súa realidade cotián e dos problemas de convivencia que existen no orde mundial.
3. No concurso participará todo o alumnado de 1º de ESO. O traballo terá carácter obrigatorio dentro da área de Xeografía e Historia.
4. A proba consistirá na elaboración dun cartel relacionado co tema do día da paz e da non violencia.
5. Os carteis quedarán expostos nos corredores do instituto durante o mes de febreiro de 2024.
6. O xurado estará formado por un representante dos departamentos de xeografía e historia, lingua galega, educación plástica e visual; o representante do equipo de dinamización da lingua galega e vicedirección.
7. Tamén haberá un xurado popular formado por todo o alumnado do centro.
8. A entrega dos carteis realizarase antes do 29 de xaneiro.
9. O mércores 1 de febreiro o xurado reunirase no 1º recreo para deliberar e outorgar os premios aos carteis gañadores.
10. O xurado popular votará ao longo de toda a semana (do mércores 31 de xaneiro ao venres 2 de febreiro) polo cartel que considere mellor.
11. Haberá un gañador e un segundo clasificado que terán premio. Por outro lado o xurado popular (alumnado) concederá un único premio ao máis votado. Os premios consistirán: • O primeiro premio dun vale de 5 bocadillos e bebida • O segundo premio dun vale 3 bocadillos e bebida canxeable na cafetería do instituto. Un agasallo por parte do xurado popular tamén canxeable na cafetería do instituto.
Historias da Coruña: a edición de libros en galego
Programa elaborado pol@s alumn@s de 1º de ESO Noa Fidalgo Garrido e Hugo Pasandín González.
13/01/24
Radio Monelos: programa musical sobre "Grande Amore"
Programa realizado polas alumnas de 4º ESO C Sara Castro Sánchez e Sofía Regueiro Seoane.
Algúns videoclips de "Grande Amore": "Esta pena que a veces teño", "Onde ela me quer levar", "Do meu corpo van nacer outros corpos" e "Pelea".
Subscribirse a:
Publicacións (Atom)