A vinganza dos homes bos é un libro sobre o paso do tempo e o exilio dos
anos. Sobre a culpa, que medra como carriza, desfacendo a pedra máis
forte. Sobre o valor necesario para ser covarde. Sobre as palabras que
son capaces de rachar as armaduras máis feroces. E tamén sobre as
palabras capaces, mesmo, de matar. Palabras sinxelas, como, por exemplo,
«perdón». O exinspector de policía Carlos Manso anda detrás dun
asasino, pero non do que a el lle gustaría. El mesmo tamén matou un
home, unha vez.Dúas historias policiais separadas por vinte anos e dous
mil quilómetros, pero unidas pola necesidade de redención. O barco
American Star, a Marcha Verde sobre o Sáhara Occidental ou os túneles
agochados baixo a cidade de Vigo son os escenarios dun naufraxio, real e
metafórico, que supón, en certo xeito, o final de Carlos Manso.
15/06/20
14/06/20
Dous científicos confinados no castelo de Santo Antón en 1875
Augusto González de Linares e Laureano Calderón estiveron presos na entón prisión coruñesa por solidarizarse con Francisco Giner
Información de Xosé Antón Fraga en La Opinión de A Coruña
13/06/20
A Xogadora
Vídeo elaborado polo alumnado de 2º de ESO de PEMAR no ámbito sociolingüístico durante o curso 2019-2020 (curso do coronavirus). Centrado en aspectos do mundo dos videoxogos e na educación para a igualdade.
Efemérides: Fernando Pessoa
Un 13 de xuño de 1888 nacía en Lisboa o poeta e ensaísta Fernando #Pessoa. Hoxe recomendan algunha das súas obras que podedes encontrar no noso catálogo dispoñibles para levar en préstamo nas bibliotecas municipais coruñesas.
12/06/20
A Casa de Ferrant no camiño do Corgo
O IES Monelos está nun sitio máxico cheo de pantasmas. No actual parque de Oza (antigo Camiño do Corgo) tivo casa a familia política do pintor Alejandro Ferrant do que conservamos unha fermosa pintura paisaxística da Coruña no Museo de Belas Artes precisamente dende O Corgo, dende o IES Monelos, dende este Cotarelo da Coruña.
Información rescatada en:
Máis información en Pantasmas de Oza
A casa do pintor Ferrant no camiño do Corgo actual parque de Oza |
A coñecida como a Casa de Ferrant era unha vivenda cun enorme xardín
que ocupaba boa parte dos terreos do Corgo nos que hoxe está o Parque de
Oza. A casa pertencía á familia política de Alejandro Ferrant, quen dende aquí pintou algunhas das panorámicas máis famosas da Coruña de finais do século XIX, como este cadro de 1891 que se conserva no Museo de Belas Artes (cadro que podemos observar máis abaixo).
Nesta casa, en 1927, estivo a primeira sede do Colexio Compañía de
María, que daquelas estaba centrada no ensino para mulleres. Despois
tivo máis usos ata que foi derrubada no 2011 xunto ó resto das vivendas
dos arredores para construir o actual Parque de Oza. Este parque ocupa
os terreos da antiga Finca de Cermeño ou Horta do Xeneral, como a coñecían os veciños por pertencer a Pedro Martín Cermeño, que foi capitán de Galicia.
Concerto d'A banda da Loba no Tallón (13/7/2017)
Resumo do que foi o primeiro concerto completo da banda antes de entrar
no estudo de gravación a preparar o seu primeiro disco: "Bailando as
rúas", que se presentou a finais do 2017.
Vídeo: Seispés Producións Creativas.
11/06/20
Domingo Fontán: Galicia cartografiada nas súas verdadeiras proporcións
Domingo Fontán Rodríguez (Portadeconde, Portas, 7 de abril de 1788 - Cuntis, 24 de outubro de 1866), ilustrado galego, coñecido sobre todo por ser o autor do primeiro mapa topográfico e científico de Galicia.
Pasou boa parte da súa vida vinculada á Universidade de Santiago de Compostela, onde cursou os estudos de Filosofía, matriculouse ao longo dos anos en Leis e Cánones, Ciencias Exactas e Teoloxía. En 1811 comezou a súa carreira de profesor nesta universidade.
Foi elixido deputado polo Partido Liberal pola provincia de Pontevedra en 1837, ocupando este posto ata 1843, ano en que se retirou. Fontán fixo da súa causa a defensa de Galicia, sobre todo na abolición dos foros e na loita contra o caciquismo.
Participou na creación da primeira fábrica de papel de Galicia, construída en Lousame en 1863, e traballou tamén no deseño do trazado da primeira linea férrea de Galicia en 1858, que uniu Santiago con Carril, proxecto aprobado polas Cortes en 1861, e que non foi inaugurado ata dez anos despois.
Está enterrado no Panteón de Galegos Ilustres, na igrexa do convento de Santo Domingo de Bonaval, en Santiago de Compostela.
A CARTA XEOMÉTRICA DE GALICIA
A Carta Xeométrica de Galicia é un mapa físico de Galicia, o primeiro da historia realizada con medicións matemáticas, obra de Domingo Fontán.
Domingo Fontán investiu na súa realización dezasete anos da súa vida (1817-1834). Esta obra foi o primeiro mapa feito en España con métodos científicos e medicións matemáticas (medición de bases, triangulación, altimetría barométrica, etc.). Para cartografar Galicia aproveitou os avances científicos, provenientes sobre todo de Francia, e desenvolveu unha rede xeodésica, establecendo puntos de medición e realizando neles todo tipo de cálculos astronómicos, para os que empregou instrumentos cedidos pola Universidade de Santiago e adquiridos en Paris e Londres.
Tomou como punto cero a torre da Berenguela, na Catedral de Santiago de Compostela. En 1817 iniciou os traballos da Carta, realizada a unha escala 1:100.000, pero ata 1830 non obtivo o apoio oficial para a súa redacción. Nese momento queda exento de impartir clases na Universidade de Santiago. Para realizar esta Carta tivo que percorrer a pé e a cabalo toda Galicia. Nela aparecen localizadas as 4.000 igrexas das parroquias galegas e todos os accidentes xeográficos importantes acadando un nivel de detalle que non foi superado ata a aparición da cartografía por satélite. En 1834 acaba os traballos da Carta, e preséntaa á Rexente María Cristina que dará orde de imprimila. ata 1845 non foi posible a súa impresión, que se realizou en París, baixo a súa dirección polo gravador L. Bouffard.
O escritor da Xeración Nós, Ramón Otero Pedrayo, conserva unha das Cartas orixinais no seu pazo de Trasalba (Amoeiro, Ourense).
Tomou como punto cero a torre da Berenguela, na Catedral de Santiago de Compostela. En 1817 iniciou os traballos da Carta, realizada a unha escala 1:100.000, pero ata 1830 non obtivo o apoio oficial para a súa redacción. Nese momento queda exento de impartir clases na Universidade de Santiago. Para realizar esta Carta tivo que percorrer a pé e a cabalo toda Galicia. Nela aparecen localizadas as 4.000 igrexas das parroquias galegas e todos os accidentes xeográficos importantes acadando un nivel de detalle que non foi superado ata a aparición da cartografía por satélite. En 1834 acaba os traballos da Carta, e preséntaa á Rexente María Cristina que dará orde de imprimila. ata 1845 non foi posible a súa impresión, que se realizou en París, baixo a súa dirección polo gravador L. Bouffard.
O escritor da Xeración Nós, Ramón Otero Pedrayo, conserva unha das Cartas orixinais no seu pazo de Trasalba (Amoeiro, Ourense).
10/06/20
09/06/20
08/06/20
07/06/20
O persoal da factoría de Alu Ibérica na Coruña levou a cabo unha concentración na Praza de María Pita para denunciar a "situación crítica" da planta
06/06/20
05/06/20
04/06/20
03/06/20
02/06/20
01/06/20
Camiño do Corgo 20 anos de revista no IES Monelos
Editorial
Neste curso 2019-2020 iniciamos unha nova etapa da revista de normalización e dinamización da nosa lingua. Xa van 20 anos en que se iniciara esta andaina no centro.
Este novo número esta feito dun conxunto de retallos incompletos, de préstamos, de entradiñas de urxencia e de última hora que serven para presentar a realidade viva da actividade do instituto. Probablemente haxa moitas omisións e carencias que non se contemplen neste breve resumo deste curso tan atípico e distópico.
Tamén pretendemos facer unha homenaxe á memoria creativa da revista.
20 anos camiñando polo Corgo
A historia da revista iníciase no curso 1999-2000 co cambio de milenio. Coordina o traballo desta a profesora Mª Xosé Sánchez e continuará como guía ata o curso 2010-2011.
Durante os catro primeiros cursos (ata o 2002-2003) a revista tivo unha peridiocidade trimestral. Nela sobresae a enorme riqueza das súas ilustracións (portada, contraportada e deseño interior) onde destacan a figura do debuxante Luís Sendón ou David Chans. Tamén hai unha enorme presenza de relatos como os de Rosalía Cotelo. Na banda deseñada aparecen os relatos "satíricos" sobre os profesores do centro realizados por Adrián Roca e Roberto Martínez. Os poemas, as adiviñas e os pasatempos son aspectos, ademais dos artigos de actualidade e crítica cinematográfica que están presentes.
No 2003-2004 e 2004-2005 editanse dous números por curso. A ilustración estará en mans de Ana Palau e Rubén Beneitez. Os contidos da revista continuan na mesma liña que os anos anteriores.
A partir do curso 2006 e revista presentará un número por ano. Destacan as ilustracións de Ana Castiñeira.
No curso 2011-2012 a revista estará coordinada por Pilar Zapico e a partir do 2012 e ata o 2016 será Antón Capelán.
Nesta última etapa a revista terá un carácter monográfico: deportes, música, o barrio, a memoria histórica. Resaltan as ilustracións de María Díaz Tobar.
A continuación presentamos algunhas das ilutracións das portadas dalgúns dos números da revista:
Portada do número 1º. 1º trimestre curso 1999-2000 deseño de Luís Sendón |
|
Contraportada do número 3º. 3º trimestre curso 1999-2000 deseño de Luís Sendón. Nano e Chilita son as personaxes |
Portada do nº 5. 2º trimestre curso 2000-2001. Luís Sendón |
Portada do nº 11. 2º trimestre. Curso 2002-2003. Luís Sendón. Ano do "Prestige" |
Contraportada nº 7. Curso 2001-2002. David Chans |
Portada nº 13. Novembro 2003. Ana Palau |
Contraportada nº 13. Novembro de 2003. Ana Palau
Portada nº 15. Decembro de 2004. Rubén Beneitez
Portada nº 19. Curso 2008-2009. Ana Castiñeira
Portada nº 21. Curso 2010-2011. Ana Castiñeira
Portada nº 25. Curso 2014-2015. María Díaz Tobar
Portada e contraportada do último número. Curso 2015-2016. Beatriz González Ponte
Subscribirse a:
Publicacións (Atom)