Chega agosto, o mes do Festival Noroeste Estrella Galicia, a cita que dende hai anos enche de música as rúas e prazas da cidade da Coruña. E todo de balde! Desta volta, entre os días 5 e 8 de agosto. Este ano, a piques de celebrar o 40 aniversario do evento, serán máis de 40 os concertos, distribuídos en sete localizacións distintas. Velaquí unha ducia desas actuacións, unha boa excusa para pasar o día na urbe herculina, onde ninguén é forasteiro.
