Hugo Javier Freitas (Bos Aires, 1974), historiador e profesor residente na capital arxentina, vén de publicar Raíces nas augas (Editorial Eo, 2026), unha obra na que reconstrúe a experiencia migratoria entre Galicia —e tamén o Adriático— e o Río da Prata a finais do século XIX e comezos do XX. Faino a partir da súa memoria familiar, a dun neto de galegos e bisneto de croatas, e da investigación que durante anos levou a cabo sobre as súas propias orixes. A partir das historias que lle contaron na casa, pero tamén de arquivos históricos, partidas de nacemento, rexistros civís e prensa da época, analiza as condicións da partida pero tamén o contexto social e económico que empurraba á marcha ou o impacto humano e emocional que supuxo a diáspora.
Información de Miguel Pardo en Praza Pública
