A Coruña é un dos topónimos que máis interese suscitou dentro da nosa filoloxía. Foron múltiplas as hipóteses que tentaron deitar luz sobre o nome da cidade herculina, algunhas tan temperás como a do propio Afonso X o Sabio. A última das propostas etimolóxicas foi a do académico Gonzalo Navaza, quen descartou as anteriores para lanzar a súa propia e sorprendente proposta.