Nicolás Muller foi un dos fotógrafos documentalistas máis importantes do século XX. Dotado dunha sensibilidade única para retratar a vida, as súas imaxes destacan pola súa humanidade e polo compromiso coa realidade social do seu tempo. "Eu mesma sorpréndome cada día ao ver que o tocou todo, que estivo en todas partes", cóntanos a súa filla, a tamén fotógrafa Ana Muller.
En 'A Vía da Prata. Aires do Sur' podemos contemplar unha vintena das extraordinarias imaxes da vida nas vilas e cidades que Muller tomou durante as súas viaxes por Estremadura, Castela e León e Galicia.
Exposición 'A Vía da Prata. Aires do Sur' Comisariada por Lucía Laín