Galiza tiña 96.590 habitantes menos no 2019 que fai unha década segundo os datos publicados polo Instituto Nacional de Estatística a partir da revisión dos padróns municipais. A evolución demográfica é demoledora tanto no relativo ao crecemento vexetativo (morre moitísima máis xente da que nace) (e algo de responsabilidade terá a Xunta de Galicia posto que os resultados son moi negativos a pesar da aposta por unha "política natalista" que non está dando os resultados esperados) e no crecemento migratorio onde vimos nos últimos dez anos unha emigración da poboación nova cara a outros puntos do mundo principalmente Europa.
Dos 313 concellos que actualmente hai no país tan só 42 (13,4%) medraron en poboación. As áreas metropolitanas das principais cidades do territorio (coa excepcionalidade de Ferrol que sigue perdendo poboación de forma alarmante: máis de 8.000 habitantes). Tamén medran en poboación algúns municipios da Mariña lucense (Burela e Foz) e nas Rías Baixas crece na comarca do Salnés (Cambados, Illa de Arousa...) e a comarca do Val Miñor.
Noutro apartado observamos que 271 (86,6%) concellos teñen hoxe menos habitantes que hai dez anos predominando o despoboamento nos concellos da Galicia interior aínda que todas as provincias teñen menos poboación que fai unha década.
