O xurado destacou a súa potencia na construción do conxunto cun gran control no poema longo, a estrutura dramática do libro con presenza de voces variadas, e as múltiples referencias culturais e da tradición literaria e artística.
04/10/20
'Ave do paraíso', de Lorena Conde Martínez, premio Filomena Dato de poesía
Na Galiza hai menos denuncias pero a mesma percepción de violencia machista
O Tribunal Superior de Xustiza sitúa Galiza como o terceiro territorio con menor taxa de violencia de xénero unha tendencia que se mantén desde 2018. Porén, outras fontes como a macroenquisa realizada polo Ministerio de Igualdade detectan que la violencia machista opera na mesma medida que no resto do Estado español.
Información de A. Barbadillo en Nós Diario
Brais Morán - Madrugada
Videoclip do tema "Madrugada" do disco "Cruzando o Eclipse" dirixido por Omar Rabuñal e ca dirección de Fotografia de César Seijas.
03/10/20
'Galicia, de Nós a nós', máis de 300 pezas sobre a Xeración Nós
Galicia, de Nós a nós' reúne na Cidade da Cultura máis de 300 pezas na
mostra máis completa e ambiciosa sobre a Xeración Nós e unha das citas
culturais imprescindibles do outono de 2020, na que se conmemora o
centenario da publicación da revista Nós.
Foro 'La Toja': deturpación, 'todopirolos' e elitismo político e económico
O Foro Atlántico "La Toja", impulsado polo presidente do Grupo Hotusa, o chantadino Amancio López Seijas, leva ao seu nome oficial a forma deturpada do topónimo oficial A Toxa. Unha reunión, ademais, abrumadoramente masculina e na que se dan cita representantes da elite financeira e política.
01/10/20
CeibaRimas: o freestyle en galego busca o seu rei ou raíña
Hai unhas semanas botou a andar CeibaRimas, unha iniciativa que busca impulsar o uso da lingua galega no rap improvisado a través de obradoiros e competicións. Dende entón leváronse a cabo varias actividades en cidades de toda Galicia e unha serie de eventos online, que deron lugar a unha clasificación. Os oito primeiros rimadores e rimadoras nesta lista competirán na Gran Final da I Liga CeibaRimas, que se celebrará este sábado 3 de outubro a partir das 18.30 horas.
A Xunta suprime en Tui o primeiro Departamento de Portugués creado nun instituto en Galicia
A Xunta decidiu suprimir no IES San Paio de Tui o Departamento de Portugués, o primeiro desta lingua creado en Galicia, hai vinte anos, e nun centro onde este idioma leva 30 anos de ensino ininterrompido e conta na actualidade con máis dun cento de alumnos.
Información de Miguel Pardo en Praza Pública
Un instituto coruñés traslada clases ao patio ante a falta de espazo nas súas instalacións
O IES Ramón Menéndez Pidal, situado no barrio coruñés de Zalaeta, levou a clase ao seu patio este martes. A decisión non obedeceu ao tempo solleiro que reinou na cidade herculina durante toda a xornada, coincidindo co coñecido como veraniño de San Miguel, senón á falta de espazo nas súas instalacións para que un grupo dun dos seus ciclos formativo puidese seguir as clases cumprindo coas medidas de prevención ante a covid e coas distancias mínimas esixidas no protocolo da Consellaría de Educación e nas recomendacións do Ministerio de Sanidade.
Información de Marcos Pérez Pena en Praza Pública
O Carrabouxo homenaxea a Quino o día do seu falecemento
O debuxante de Mafalda morreu este mércores 30 de setembro
29/09/20
28/09/20
Olga Novo e Berta Dávila, Premios da Crítica 2019
As escritoras Berta Dávila e Olga Novo fanse cos Premios da Crítica 2019 que outorga anualmente a Asociación Española de Críticos Literarios.
Máis información en Nós Diario
27/09/20
Empresas co seu nome en galego que triunfan noutros puntos de España
Bico de xeado abre a súa tenda na praza Maior de Madrid.
Unha ducia de tesouros do Xurés
Os incendios dos últimos días arrasaron milleiros de hectáreas do Xurés e a Baixa Limia, unha zona en parte protexida con tesouros naturais e históricos que repasamos.
Información de de David Reinero en Praza Pública
26/09/20
Un acordo a tres bandas permite desbloquear a intermodal da Coruña
ADIF, o Goberno local e a Xunta asinaron un convenio para sacar adiante esta infraestrutura. A súa construción vai con atraso respecto das demais das grandes cidades polos enfrontamentos entre o anterior Executivo municipal da Marea Atlántica e a Consellaría de Infraestruturas.
(S8) reivindica a influencia anovadora de Antón Reixa e Antonio Segade
As obras dos dous creadores poderán verse no marco da sección Xerme, que o certame recupera o domingo para facer xustiza ao legado audiovisual galego máis experimental.
A Real Academia Galega anuncia o Simposio Carvalho Calero
Unha ducia de voces expertas debullan o mestre ferrolán durante o mes de outubro. As conferencias poderán verse a través da rede, igual que o pleno do Día das Letras, trasladado a este mes por mor do confinamento.
A Fundación Luis Seoane inaugura o domingo 27 de setembro a exposición 'Escóitasme?'
A mostra é froito dun reto de creación lanzado pola entidade no confinamento, pensado para público infantil e familias.
O galego no Día Europeo das Linguas
Este sábado, 26 de setembro conmemórase o Día Europeo da Linguas, unha iniciaitiva do Consello de Europa que festexa a diversidade lingüística e convida a reivindicar os dereitos lingüísticos das falantes.
24/09/20
22/09/20
Un avance na terapia con células nai que pode axudar na loita contra o cancro, mellor investigación galega do ano
20/09/20
19/09/20
Juan Gestal (epidemiólogo): "A covid pódese transmitir ata a 8 metros de distancia en espazos pechados"
O profesor avisa de que a chegada do outono supoñerá un "risco engadido" porque non todas as máscaras protexen correctamente en espazos pechados. Defende que "no mellor dos casos" haberá unha vacina "ben avanzado" 2021 e avisa: "Galicia debe mellorar a vixilancia epidemiolóxica, temos moita transmisión comunitaria".
Información en Galicia Confidencial
17/09/20
16/09/20
[A Cidade que Queremos] PONTEVEDRA
O mércores 16 de setembro comeza a semana europea da mobilidade, que Ecoloxistas en Acción aproveitará para lanzar a recta final da súa campaña ‘Confinemos os coches’ e concienciar á cidadanía a través do lanzamento en redes destos videos e dunha serie de infografías sobre os beneficios das Zonas de Baixas Emisións. Trátase dunha proposta creada durante as semanas de confinamento e que propón ceder o espazo urbano ás persoas fronte aos coches. A fórmula da organización ecoloxista é pés + pedais + transporte público + Zonas de Baixas Emisións e, se é posible, zonas de cero emisións, de modo que os poucos coches que circulen sexan coches pouco contaminantes ou, aínda mellor, cero emisións. Neste sentido temos que destacar a aposta de Pontevedra por unha cidade peonil libre de ruídos e fumes, unha cidade amable para a convivencia, unha cidade para todas. Esta proposta de restrinxir a entrada de coches ás cidades e unha repartición do espazo público máis favorable para viandantes, ciclistas e transporte público está apoiada por máis dun 80% da poboación española, segundo unha enquisa realizada por YouGov. Tamén máis de 40 organizacións da sociedade civil reclamaron nos últimos meses este tipo de cambios para as cidades.
15/09/20
A aplicación da Xunta para comunicar os positivos de COVID-19 das escolas é unha "pantalla en branco"
Información de Ana G. Liste en Praza Pública
Captura de pantalla da aplicación EduCovid da Xunta CC-BY-NC Profesorado en Pé
As augas residuais alertaron en xullo do brote de Covid-19 na área da Coruña
A depuradora de Bens recolle as augas residuais da cidade da Coruña e a súa área metropolitana. Foto: EDAR Bens SA.
Asina: por unha canle Xabarín Club de programación infantil e xuvenil na TVG
A galega é a única lingua oficial no Estado español que non conta cunha canle de emisión continuada de programación infantil e xuvenil. O resultado disto é só o 4,6% da progamación semanal está en galego, caendo ao 2,7% na fin de semana.
A través de canles como Clan, Super3 ou ETB3 todas as crianzas, rapaces e raparigas do Estado español poden desfrutar dos mellores contidos televisivos na súa lingua agás as galegas.
Resulta alarmante o retroceso da presenza da lingua galega na programación televisiva: só a CRTVG garante a súa presenza na grella televisiva, mais faino de forma cativa e mínima, malia o estabelecido na lexislación autonómica sobre o audiovisual e malia as enormes posibilidades técnicas actuais que poderían aumentar significativamente as emisións en galego.
En canto á conveniencia de actualizarse ofertando produtos en plataformas dixitais ou App con contidos infantís, desprézanse os traballos de dobraxe xa elaborados e financiados con diñeiro público pola entidade televisiva. É lamentábel que non se poidan visualizar en galego debuxos animados que tiveron grande impacto e éxito en Galiza, aos que non se lle dá continuidade en galego no mercado cos seus produtos derivados ou na propria TVG.
Sr. Sánchez Izquierdo, Director Xeral da Corporación de Radio Televisión de Galiza
Sr. Román Rodríguez Rodríguez , Conselleiro de Cultura, Educación e Universidade.
Reclamamos unha canle Xabarín Club na TVG que emita continuadamente en galego e coa súa App, todos os días do ano, contidos actuais, anteriores de éxito, atractivos e de interese para a infancia e a mocidade galega.
Xabarín Club 24h!
App A Liña do Galego
Servizo ofrecido pola Mesa para a Normalización Lingüística
Liña do Galego é un servizo gratuíto ofrecido pola Mesa pola Normalización Lingüística dirixido a toda a poboación que, desde o ano 2007, atende consultas sobre dereitos lingüísticos e tramita queixas cara ás institucións, empresas etc, que os vulneran; así como parabéns para quen dea pasos cara a garantia do dereito a vivir en galego. Desde xullo do ano 2016, A Mesa puxo en marcha a app A Liña do Galego; o obxectivo desta aplicación é proporcionar as usuarias e usuarios unha nova forma de comunicación que permita o envío de queixas e parabéns dunha forma sinxela, rápida, segura e cómoda.
14/09/20
Ensamble Isaac
Ensambleisaac’, da autoría e edición de Francisco César Díaz, con textos de diversos autores e magníficas ilustracións, é unha recomendación da libraría Couceiro para achegarnos á figura do intelectual Isaac Díaz Pardo dende diferentes facetas creativas.
11/09/20
A Xunta adía o curso de Secundaria e FP e os institutos reciben orde de reducir a distancia de seguridade a un metro
Información de Ana G. Liste en Praza Pública
08/09/20
06/09/20
A biografía de Josefina Arruti en banda deseñada
OS BERROS DA MOTOCICLETA, a novela gráfica que narra a vida de Josefina Arruti, escrita por Kiko da Silva e debuxada por Pablo Prado, está rematada.
Nas vindeiras semáns amosarémoslle o resultado á familia de Josefina e entrará en imprenta da man do CONCELLO DE PONTEVEDRA.
Unha ducia de colexios aos que volver
O coronavirus está a facer da volta ao colexio deste 2020 un problema para moita xente. Pero hai outros colexios e escolas aos que paga a pena volver e admirar.
Selección de David Reinero en Praza Pública
Escolas de Sada e os seus contornos
Subscribirse a:
Publicacións (Atom)