Pouco antes do Nadal, a Cátedra Rosalía de Castro da USC lanzou o primeiro museo en liña de iconografía rosaliana, resultado do traballo de Laura Camino. A aplicación permite acceder a un percorrido virtual polas representacións da escritora desde o século XIX ata os nosos días, permitindo analizar a súa condición de mito en continua reconfiguración, capaz de adaptarse ás necesidades simbólicas e afectivas de cada época. Das primeiras fotografías e retratos ata as posteriores reinterpretacións dun rostro que leva máis dun século convertido en icona.
Información de Marcos Pérez Pena en Praza Pública
